रा.ख.सम्वाददाता
झुम्का, माघ २६ । रामधुनी नगरमा वडा स्तरीय मधेशी मिथिला एकता समाज संगठन बिस्तार गरेको छ । एकता समाज नगर कार्यसमितिको अध्यक्ष भोला रौनियारको संयोजकत्वमा वडा नं. १ र ५ मा समिति गठनगरी संगठन बिस्तार गरेको हो ।
संगठन बिस्तार गर्ने क्रम्मा रामधुनी १ नं. वडामा पिताम्बर साह र ५ नं. वडामा मिलन रौनियार सर्वसहमतिले अध्यक्ष चयन भएको छ । वडा नं. १ मा १३ सदस्य समिति रहनेगरी वडा समिति गठनगरेको छ । समितिको उपाध्यक्षमा बिरेन्द्र राय, सचिव रबिन कुमार ठाकुर,सह सचिव अजय रौनियार, कोषाध्यक्ष सकुन्तला राय चयन भएको हो । समिति सदस्यहरुमा अनिल कुमार रौनियार,पुनम मण्डल साह,उमेश साह,रत्न प्रसाद हलुवाई, अनिल प्रसाद रौनियार,दिपेस रौनियार,बिजय साह, चन्दन ठाकुर रहेको जनाए । वडा नं. ५ को कार्य समितिमा उपाध्यक्ष जितेन्द्र मण्डल, सचिव योगेन्द्र साह, सह सचिव संतोष साह, कोषाध्यक्ष संगिता साह चयन भएको छ । सदस्यहरुमा निरज साह र पुनिता शर्मा गरी ७ सदस्य समिति गठन गरेको हो ।
मधेसी समुदायलाई जागरुक तथा सचेत बनाइ एक गोलबध गरेर एक छाता मुनि ल्याउन वडागत रुपमा समिति निर्माण गर्दै लगेको एकता समाज नगर कार्यसमितिका अध्यक्ष भोला रौनियारले बताए । नगरमा सात हजारको संख्यामा रहेको मधेशी समुदायलाई संगठन मार्फत बिचारधारमा समेत एकता कायम गर्न समिति गठन प्रक्रिया अगाडी बढाएको अध्यक्ष रौनियारले रामधुनी खबर साप्ताहिक पत्रिकालाई जानकारी दिएको हो ।