सुनिल चौधरी
झुम्का, फागुण ७ । रामधुनी नगरपालिकाको ८ औ नगरसभा नगरप्रमुख जयप्रकाश चौधरीको सभाअध्यतामा सुक्रवार सम्पन्न भएको छ । आ.ब. २०७७÷७८ को कार्यक्रम योजना तथा बजेट संसोधन गर्दै रु ७८ करोड ४३ लाख,९४ हजार ९ सय ९९ रुपैयाको बजेट गर्दै नगर सभा सम्पन्न भएको हो ।
सातौ नगर सभाबाट चालुबर्षमा बिनियोजित बजेटको कुल आय रु ६१ करोड ८१ लाख ८९ हजार ९ सय ३९ रुपैया रहेकोमा नगर उपप्रमुख सबिना चौधरीले बजेट प्रतिबेदन प्रस्तुत गर्दै बिभिन्न शिर्षकमा रु २६ करोड ८७ लाख २६ हजार ५ सय १७ रुपैया थप गरिएको छ भने घट्न सक्ने सम्भावित आय रु १० करोड २५ लाख २१ हजार ४ सय ६६ रुपैया रहेको छ । नगरसभाबाट पुर्ण सरसफाई नगर योजनामा निरन्तरता र गुणस्तर गर्न पुर्ण सरसफाई गुणस्तर अनुगमन निर्दैशिका २०७७ पारित गरेको छ । यसैगरी स्थानियतहमा वातावरण तथा प्राकृतिक स्रोत संरक्षण सम्बन्धमा ब्यवस्था ऐन, संक्षिप्त वातावरणीय अध्ययन तथा प्रारम्भिक वातावरणीय पपिरक्षण कार्यबिधि,नगरपालिका स्तरीय खानेपानी सरसफाई तथा स्वच्छता योजना तयारी मार्गदर्शन एवं कार्यबिधि, सरसफाई नमुना समदाय मार्ग दर्शन र रामधुनी नगरपालिकाको खानेपानी, सरसफाई तथा स्वच्छता योजना मार्ग दर्शन पारित गरेको हो ।
सभाबाट ३६ वटा नगरको योजना संसोधन गरेको छ । नगरको मात्र ३६ वटा योजनामा रु २३ करोड ८१ लख ४ हजार बराबर योजना संसोधन भएको हो । वडागत रुपमा पनि योजना तथा बजेट संसोधन भएको छ । यस्तै नगरबाट रु १ करोड २५ लाख रहेको योजना तथा बिनियोजित बजेट यस बर्ष संचालन नगर्ने भन्दै होल्डमा राखिएको नगरसभाबाट पारित गरेको छ । अनुमान गरेको बजेट रकम प्राप्तिको सम्भावना बिभिन्न कारणले न्युन देखिएको हुदा नगर तर्फबाट वडामा बिनियोजित भएका तथा नगरले सम्पादन गर्ने लक्षित समेतका योजना होल्डमा राखिने पारित गरेको हो । यसले नगर र वडागत योजनामा यस बर्ष कटौती गरेको देखिन्छ ।
घर नक्सा शाखाको बिभिन्न बुद्धामा संसोधनगरी नगरपालिका घोषणा हुनु पुर्व बनेको संरचनाहरुको हकमा घर भवन न.पा.को स्ट्रक्चर डिजाईन नियम वाहेक अन्य सबै मापदण्ड अनुसार भएको घर नक्सा पास गर्दा चालु आ.ब. देखि जरिवाना रु २५ प्रतिशत हुने प्रचलित निय भएकोमा सोधनगरी नक्सापास प्रकृयामा आउदा लाग्ने दस्तुर वरावरनै थप जरिवना लिई फाइल अगाडी बढाउने र निमार्ण कार्य चेक जाँचगरी घरको विवरण उल्लेखगरी कार्य सम्पन्न प्रमाण पत्र दिने निर्णय पारित गरेको हो । यसले घर नक्सा पास नगरी घर बनाउनेलाई निरुतसाहित गर्ने छन भने घर नक्सा पास गर्नेमा बृद्धि हुने छन् ।
नगर बिकास निर्माणको कार्यमा बिभिन्न शाखाले समिक्षामा गरेको प्रगती र उपलब्धिहरु प्रस्तुत गर्दै पारित गरेको छ । शाखाहरुमा आर्थिक बिकास, सामाजिक, वन वातापरण तथा बिपद व्यवस्थापन, वितिय सुशासन तथा संस्थागत, भौतिक पुर्वाधार, बिधायन, लेखा समितिबाट संयोजकहरुले समिक्षा तथा प्रगती प्रस्तुत गरेको छ । समितिको संयोजक कमश लक्ष्मि चौधरी, घनश्याम चौधरी, हेमनारायण राजधामी, रुद्र बस्नेत, डेगराज फुयाल, केशव गौतम र पुष्पलाल चौधरीले प्रस्तुत गरेका हुन् ।