रा.ख.सम्वाददाता
झुम्का, चैत्र १ । “स्वस्थ्य शरिर सुरक्षित जीवन” कालागी थारु महिला उत्थान समाजको आयोजनामा निशुल्क स्वास्थ्य जाँच शिविर हुने भएको छ । महिला बालबालिका, जेष्ठनागरीक, आर्थिक बिपन्नहरुमा सहज स्वास्थ्य जाँचको पहुच पु¥याउन नोबेल अस्पताल बिराटनगरको बरिष्ठ बिशेषज्ञ र प्राबिधिकहरुद्धारा आउदो मंगलवार २०७७ चैत्र ३ गते झुम्कामा निशुल्क रुपमा जाँच शिविरको आयोजना गर्न लागेको हो ।
शिविर रामधुनी वडा नं. १ स्थित सेल्फीपुल दक्षिणमा रहेको रबिन मेडिकल एण्ड स्वास्थय उपचार केन्द्रमा हुने आयोजकले जानकारी दिएको छ । शिविरमा निशुल्क जाँच गर्ने सेवाहरु नाक, कान, घाटी, छाला, हाडजोर्नी, महिला, बालबालिका र जेष्ठनागरीकहरुको बिशेषज्ञ डक्टरहरुबाट स्वास्थ्य जाँच गरिने छन् । यसैगरी ल्याब, इसिजी, र भिडियो एक्सरे सेवा निशुल्क रुपमा उपलब्ध रहने छ ।
आर्थिक बिपन्नले अस्पताल सम्म पहुच पुग्न नसकेका तथा सेवा लिन इच्छुकहरुमा निशुल्क स्वास्थ्य शिविरको उधेश्य रहेको उत्थान समाजकी अध्यक्ष सिता थरुनीले जानकारी दिईन् । शिविरमा रामधुनी नगर तथा छिमेकी नगरपालिकाका नगरवासीहरुले सेवा लिन सक्नुहुने भएकोले सेवा लिन सबैमा आयोजकले अनुरोध समेत गरेको छ । समय बिहान ९ः०० बजे देखि सुरु हुनेछ ।