रा.ख.सम्वाददाता
झुम्का, चैत्र १२ । सम्भावित दुर्घटनाका कारण हुने मानविय क्षति न्युनिकरण गर्न सिओसी (च्यामपियन अफ चेन्ज) कक्षामा आबद्ध युवा बिध्यार्थिहरुलाई प्राथमिक उपचार सम्बन्धि तालिम दिएको छ । मानव जिवन रक्षार्थ स्वास्थ्य क्षेत्रमा थप ज्ञान, सिप र दक्ष बनाउन अभ्यास सहितको चार दिवसिय तालिमको आयोजना गरेको हो ।
प्लान इन्टरनेशनल नेपालको सहयोगमा युथक्रिएशन सुनसरीले रेडक्रश सोसाइटी सुनसरीको प्राबिधिकहरुद्धारा इटहरी स्थित प्राथमिक उपचारबारेमा अभ्यास गराएका हुन् । घाइते बिरामीहरुलाई डक्टर सेवा नपाउन्जेल हेरबिचार गर्दै सुरक्षित तवरले अस्पताल सम्म पु¥याउने सिप तथा बिधिहरुको बारेमा जानकारी दिएको छ । यस्ले अवस्था नियन्त्रण, सुधार र ब्यवस्थापन गर्न मदत पुग्ने सहजकर्ता तथा रेडक्रश सुनसरीका उपाध्यक्ष डम्बर सिग्देलले बताए ।
घाइते हुन सक्ने अवस्थाको बिधाहरुमा चोट पटक लागेको, सर्पले टोकेको, रगत बगिरहेको, हाथ खुट्टा भाचेको अवस्थामा तत्काल रोकथामकालागी सिकाइ उपलब्धि पाएको सहभागी सरोज सिहले बताए । घटना भएको अवस्थामा तुरन्त उद्धार गर्नु पर्ने उपाय, बिरामी ओसार पोसार गर्ने माध्यम, जस्ता जिवन रक्षा गर्ने बिधिहरुको बारेमा जानकार हुदै स्वस्फुर्त कार्य गर्न उत्प्रेरित भएको अर्का सहभागी निश्चल चौधरीले बताए ।
तालिमबाट प्राप्त भएको ज्ञान युवाहरुमा भएको जोस जागरले प्रभावकारी हुदै समाजमा साकारात्मक परिवर्तनको सिर्जनाहुने युथक्रिएशनका परियोजना संयोजक भिम पोख्रेलले बताइ । तालिम युथक्रिएशनका अध्यक्ष अम्मर राईको सभापतित्वमा बुधवार समापन भएको हो । चार दिन सालिग्राम शर्मा, राम बहादुर पाठक, उमेश सुवेदी, सकुन्तला गुरागाईले सहजिकरण गरेको आयोजकले जानकारी दिए ।
सिओसी कक्षा युवा, किशोर किशोरीहरु समाजिक कार्यमा सहभागी तथा प्रोत्साहन हुने अवसथाको कार्यहरु सिर्जनागर्न संचालन भैरहेको छ । युथक्रिएशन सुनसरी र प्लान नेपालको सहयोगमा सिओसी कक्षा आयोजना भएको हो । सिओसी कक्षामा किशोर किशोरीहरुलाई छुट्टाछुट्टै कक्षा संचालनगरी स्वास्थ्य, ब्यवहारिक, सफल जिवन, भबिषयमा गर्न सक्ने लक्ष्य र उधेश्यका बारेमा सिकाईहरु बारेमा शिक्षित गराउदै आएको छ । सिओसी कक्षा प्रत्येक शनिवार संचालन हुने गरेको छ । धरान उपमहानगरपालिका, बराहक्षेत्र, रामधुनी, गढी, दुहबीका समुदायिक बिध्यालयमा अध्यनरत बिध्यार्थीहरु लक्षित रहेको छ ।