सुनिल चौधरी
झुम्का, माघ ७ । रामधुनी नगरपालिकाको विकास, योजना, बजेट र नीति निर्दैशिकामा सामाजिक जवाफ देहिता थप पहल बढाउन नयाँ अवधारणा ल्याउनु पर्नेमा जोड दिएको छ । नगरवासी संगको प्रत्यक्ष पार्दशिता ल्याउन प्रयोग गरिएको सुशासन औजार सामाजिक परिक्षण र सार्वजानिक सुनुवाई पुरानै ढाचाँमा रहेकोले नयाँ तौरतरिकाबाट गर्नुपर्नेमा अन्तरक्रियामा सहभागी सरोकारवालाहरुले बताएका छन्।
सार्वजानिक सुनुवाईमा नागरिक संलग्नता कम सहभागीता हुनेगरेकोले पार्दशिताकालागी नयाँ प्रक्रृया सुचना प्रविधि डिजिटल माध्यम प्रयोग गर्नु पर्ने उठान गरेका छन् । नगर प्रमुख तथा सामाजिक जवाफ देहिता बहुसरोकारवाला मञ्चका अध्यक्ष जयप्रकाश चौधरीको सभापतित्वमा आयोजित अन्तरक्रिया गोष्ठिमा नगरपालिकाले सुशासनको ११ वटा औजार अभ्यासगरी रहेको जानकारी दिए । सुशासनको पक्षमा रामधुनी नगरपालिका तुलनात्मक रुपमा अग्रसर रहेको नगरप्रमुख चौधरीले बताए । अन्य नगरपालिकालले ६ महिनामा पनि सार्वजानिक सुनुवाई गर्न नसकेको तर रामधुनी नगरपालिका चौमासिकमै आयोजनागरी पार्दशिता गर्ने गरेकोले तुलनात्मक रुपमा अग्रसर रहेको र यसलाई निरन्तरता राख्न पनि प्रयास गरिरहेको नगरप्रमुख चौधरीको भनाई रहेको छ । जनप्रतिनिधि आए देखी सुशासनका औजार क्रियाशिल बनाई प्रयोगमा ल्याएको नगरउपप्रमुख सविना चौधरीले बताइन् । स्वास्थ्य, शिक्षा क्षेत्रको गुणस्तरियतामा योजना हुनु पर्नेमा भौतिक पुर्वाधारमा मात्रै रहेकोले नगरमा सामाजिक विकासमा अभाव र अज्ञान्ताले नागरिक संलग्नता घटदो रहेको बताईन् । नागरिक संलग्नता बढाउन र सुशासनको थप पहलहुन पुरानो विधिलाई हटाएर नयाँपन ल्याउनु पर्नेमा उठान गरिन् ।
सुशासनकालागि सामाजिक परिक्षण, सार्वजानिक सुनुवाई, डिजिटल गुनासो पेटिका, वडापत्र, योजना निर्माणको होर्डीङ्ग बोर्ड राख्ने लगायतका सुशासनका पक्षलाई अंगालेको योजना प्रमुख हर्षलाल चौधरीले बताए । सुशासनकालागी नगरपालिकाको गतिविधि वेवसाईट, फेसबुकबाट सार्वजानिक गर्दै आएको सुचना प्रविधि अधिकृत वसन्त मोचेले जानकारी दिए । स्वास्थ्य क्षेत्रमा सामाजिक जवाफ देहिताकालागि मोबाइल एप्लीकेशनबाट गुनासो संकलन र संकलन भएका गुनासो सम्बोधन गर्ने गरेको बताए । हेल्लो सरकारबाट गुनासो संकलन, अनलाईन राजस्व तिर्ने माध्यमको विकास, प्रत्येक वडामा डिजिटल वडा पत्रको व्यवस्थापन, डिजिटल हाजरी व्यवस्थापन गरिसकेकोले अबका दिनमा ई पेमेन्टबाट सहज ल्याउन समझौता कार्य अगाडी बढाएको सुचना अधिकृत मोचेले बताए ।
