राख संवाददाता
झुम्का,जेष्ठ ३० । प्रथम रामधुनी महोत्सवमा आज मंगलवार चर्चित हास्य कलाकार मनोज गजुरेल आउँने भएको छ । हास्य क्षेत्रका बादसाह गजुरेल महोत्सवको एघारौ दिन जेष्ठ ३० गते आज मंगलवार बिशेष प्रस्तुुती राख्ने आयोजक रामधुनी युवा क्लवले जानकारी दिएको हो ।
मनोज गजुरेल नेपाली हास्यव्यङ्ग्य कलाकार, अभिनेता, मोडल, गायक तथा हास्यव्यङ्ग्य कार्यक्रमका निर्णायक हुन् । दर्शक माझ नेता, अभिनेता लगायतका ब्यक्तित्वहरुको हुुबहुु नक्कलगरी हाउभाव, बोल्ने शैली समेत मिलाएर कमेडी गर्न माहिर हास्य कलाकार गजुरेल प्रथम रामधुनी महोत्सवमा दर्शकलाई हँसाउने छन् ।
आफ्नो प्रस्तुतिमा पात्रको स्वर मात्र नक्कल नगरी पात्रको लगाइ, हिँडाइ, बोलाइ हाउभाउका साथै शारीरिक वनावटको समेत नक्कल गर्छन् । पूर्वराजा ज्ञानेन्द्र शाहप्रधानमन्त्री पुष्पकमल दाहाल, भारतीय प्रधानमन्त्री नरेन्द्र मोदी, विश्व स्वास्थ्य सङ्गठनको महा–निर्देशक टेड्रोस एड्हानोम गेहब्रेयसस, देखि अमेरिकी राष्ट्रपति डोनाल्ड ट्रम्पसम्मको नक्कल गर्दै उनले नेपालमा मात्र हैन अन्तर्राष्ट्रिय जगतमा समेत वाहावाही पाएका छन् ।
गजुरेलको व्यङ्ग्यको मुख्य शन्देस सामाजिक तथा राजनैतिक बेथिति, कुरीति, कुसंस्कार, कुप्रथा आदि नै हुन् । उनी राजनीतिलाई विश्लेषणात्मक तरिकाले नकारात्मक पाटोलाई व्यङ्ग्य प्रहार गर्छन् भने सकारात्मक पाटोलाई उजागर गर्दै सही बाटोमा लाग्न उत्प्रेरित गर्छन् ।
महोत्सव रामधुनी नगरपालिका १ नं. वडा कार्यालयको छेउ बुधवार र शनिवार लाग्ने साप्ताहिक हटिया नजिकै रहेको छ भने सहयोगीमा रामधुनी नगरपालिका र व्यवस्थापनमा गौतम बुद्ध अमुजमेन्टको रहेको छ ।
महोत्सवमा स्टल बुुकिङ्ग खुल्ला गरिएको छ । स्टल व्यवस्थापन र तयारी अवस्थामा रहेको महोत्सवका संयोजक बिनोद चौधरीले जानकारी दिएका हुन् । स्टल बुुकिङ्गका लागि संयोजक बिनोद चौधरीको मोबाइल नं. ९८०५३८२४९६ मा सम्पर्क गर्न अनुरोध समेत गरिएको छ ।
महोत्सव जेष्ठ १९ गते देखि असार ५ गते सम्म रहने आयोजक रामधुनी युवा क्लवले जानकारी दिएको छ । महोत्सवमा चर्चित राष्ट्रिय कलाकार तथा स्थानीय कलाकार तथा गायकहरुको प्रस्तुती राख्दै आएको छ ।
