सुनिल चौधरी
झुम्का । प्रधानमन्त्रि केपिशर्मा ओलीको सिफारीसमा राष्ट्रपति बिद्यादेवी भन्डारीले आइतवार संसद बिघटनगर्दा सत्तारुढकै ब्यक्तिहरु देश ब्यापी रुपमा आन्दोलित भएका छन् । अलोकतान्त्रिक र असंबैधानिक कदम भएको भन्दै सच्याउन रोड तताउन थालेका छन् ।
संसद बिघटन निर्णय फिर्ता हुनुपर्ने माग राख्दै रामधुनीका कमरेडहरु आइतवार झुम्का स्थित रोड तताएका छन् । रामधुनीका सत्तारुढकै पक्षधरहरुले साझ झुम्केश्वर मन्दिर अगाडी रोड जामगरी आन्दोलन सुरु गरेको हो । असंबैधानिक कदम मुर्दावाद, संसद बिघटन फिर्ता गरको नारा लगाउदै कमरेडहरु प्रदर्शन गरेका हुन् । संसदलाई नौ महिना बन्धक राखेर संसद बिघटन गर्नु प्रधानमन्त्रिको हर्कत नेपाली जनता बिरुद्ध रहेकोले निर्णय फिर्ता नहुलजेल सम्म प्रदर्शनलाई निरन्तरता दिने जनाएको छ ।
बैलगाडा चढेर अमेरीका पुग्नु र गणतन्त्र ल्याउनु एउटै रहेको ओलीको त्यतिखेरको भनाई हामी सहयौँ, सुध्रिन्छन भनेर त्याहा सम्म पुर्यायौ तर आइतवारको हर्कतले राज्यलाईनै डुबाउने खेलको घोर भर्तसना गरेका छौ निर्णय फिर्ता नहुलजेल सम्म आन्दोलनमा रहने रामधुनीका नेकपा युवा नेता रमेश खत्रीले बताए । प्रधानमन्त्रिले जस्केलाबाट बिभिन्न बिधयेक पारित गर्दै यहा सम्म पुग्नु गलत कार्य भएको खत्रिले बताए । आम नेपाली जनताको चाहना पाँच बर्ष हो, प्रधानमन्त्रि र राष्ट्रपतिको निर्णय जनता बिरुद्ध रहेकोले कुनैपनि हालतमा फिर्ता हुनु पर्ने भन्दै प्रदर्शनमा खत्रिले आफनो भनाइ राखेका थिए ।
संसद बिघटन बिरुद्धको प्रदर्शनमा झुम्का स्थित युवा नेता खत्री सहित नेकपा रामधुनी नगर अध्यक्ष राम कोइराला, इन्चार्ज दिनेश चौधरी, खगेन्द काफले, प्रशुराम चौधरी सहित बिरोध प्रदर्शनमा सहभागी थिए ।
