चन्द्रकला चौधरी
झुम्का । बिकास निर्माणमा अर्थपुर्ण सहभागी लगायत महिला शसक्तिकरणमा सहयोग पुर्याउन रामधुनी नगरका महिला जनप्रतिनिधिहरुलाई प्रारम्भिक प्रशिक्षण तालिम दिएको छ । दलित महिला केन्द्र नेपाल काठमाण्डौको आयोजनामा “नेतृत्वको जिम्मेवारी बाँडौ बराबरी” उधेश्य लिएर नगरका ९ वटै वडाका १८ जना महिला जनप्रतिनिधिहरुलाई क्षमता बिकासकालागी चार दिवसिय तालिमको आयोजना गरेको हो ।
तालिमको यो पहिलो १ नं. मोड्युल रहेको छ । यस पहिलो मोड्युलको तालिमले महिला जनप्रतिनिधिहरुमा बोल्न सक्ने क्षमतामा बिकासहुने आयोजक महिला केन्द्रका रामसुन्दर साहले जानकारी दिए । तालिमबाट महिला जनप्रतिनिधिहरुले प्रमुख नेतृत्वमा पुग्न सक्ने अवस्थालाई मध्यनजर गर्ने रहेको छ । महिला र पुरुषमा नेतृत्वको जिम्मेवारी सम्मान हुने अवस्था तथा महिलाहरुमा हुने बिभेद, समस्या, हिंसाका बारेमा पहिचान गर्न सक्ने अवस्थाको बारेमा जानकारी पाउने बताए । नगरमा जनप्रतिनिधिहरु कार्य गरिरहदा पनि जस नपाउने कारणहरु र महिला लक्षित कार्यक्रम रणनितिक योजना तयारको बारेमा सिकाई उपलब्धि हुने संस्थाका अनुगमन तथा मुल्याङ्क संयोजक तेजिलाल लामाले जानकारी दिए ।
तालिम अवधि मोहन तिमसिना र अनिता परियार प्रशिक्षकको रुपमा रहेको छ । सुनसरीका पाँच स्थानियतहका महिला जनप्रतिनिधिहरुको तालिम दिईने छन् । रामधुनी, इनरुवा, भोक्राहा, धरान र दुहब नगरपालिकालाई लक्षित गरेको आयोजकले जानकारी दिएको हो । चार दिवसिय तालिम रामधुनी नगर प्रमुख जयप्रकास चौधरीको प्रमुख आतिथ्यता तथा नगर उपप्रमुख सबिना चौधरीको उपस्थितीमा उद्धघाटन भएको थियो । उद्धघाटन कार्यक्रममा नेपाल पत्रकार महाँसंघ सुनसरी सदस्य सुनिल चौधरी गैरसरकारी संस्था प्रतिनिधि लगायत महिला अधिकार कर्मिहरुको उपस्थिती रहेको थियो ।
