सुनिल चौधरी
झुम्का, असार १० । रामधुनी नगरपालिकाले आगामि आर्थिक बर्षकालागि सुक्रवार नीति, कार्यक्रम तथा बजेट सार्वजानिक गरेको छ । “पर्यटन र पुर्वाधार,समृद्ध रामधुनीको आधार”सहित १२ औ नगरसभाबाट रु ७१ करोड १४ लाख ८२ हजार बजेट सार्वजानिक गरेको हो ।
नगरपालिकाले नगरप्रमुख संकरलाल चौधरीले नीति तथा कार्यक्रम प्रस्तुत गर्दै दिर्घकालिन सोचका साथ रामधुनी नगर विकासकालागि ५ पिलर नीति अनुसार बजेट विनियोजन गरेको छ । पहिलो पिलर आर्थिक क्षेत्र विकासमा रु ६ करोड ८१ लख ५२ हजार विनियोजन गरेको छ । जस्मा कृषि पुर्वाधार र व्यवसायलाई आधुनिकीकरण तथा यान्त्रीकरण सहित उत्पादकत्व बृदि तथा आयस्रोतको मूख्य आधार बनाउन आगामि आर्थिक बर्षमा कृषि क्षेत्रमा रु १ करोड ९५ लाख २० हजार विनियोजन गरेको बजेट आय व्ययमा उल्लेख रहेको छ ।
नगर विकासको दोस्रो पिलर सामाजिक विकास क्षेत्रमा रु २७ करोड १८ लाख ८९ हजार रकम विनियोजन गरेको । यस सामाजिक विकास क्षेत्रमा बिद्यालयको शैक्षिक गुणस्तरकालागि प्राथमिक्तामा राखेको छ । तेस्रो पिलरको रुपमा पूर्वाधार विकास तर्फ रु २५ करोड १० लाख ९ हजार राखिएको छ । पूर्वाधार विकास तर्फ वडा स्तरीय तथा नगर स्तरीय सडक, यातायात, पुल पुलेसा भवन निर्माण तथा मर्मत योजनाकालागि बजेट विनियोजन गरेको छ ।
चौथो पिलर बन वातावरण तथा विपद व्यवस्थापन क्षेत्र योजनामा रु १ करोड ४४ लाख ८० हजार बजेट विनियोजन गरेको छ भने पाँचौ पिलरको रुपमा सुशासन तथा संस्थागत विकास क्षेत्रमा रु १८ करोड ६१ लख ४३ हजार विनियोजन भएको उल्लेख रहेको छ । नगरसभामा उपमेयर तारा थापाले बजेट सार्वजानिक गरेको हो ।