सुनिल चौधरी
झुम्का, बैशाख ४ । प्रधानमन्त्री लगायत मन्त्रिमण्डलको पदस्थापन पछि सभामुख सुनिल राईले रोस्ट्रमबाट ‘मिति २०७८ बैशाख ३ गतेका दिन नमुना युवा संसदको प्रथम बैठक शुभारम्भ भएको घोषणा गर्दछु’ भन्दै संसद बैठक सुरु गर्छन् । संसद बैठक सुरु घोषणा पछि सम्माननीय र माननीय सदस्य ज्युहरुको ध्यानाकर्षन हुन्छन् । सभामुख राईले बैठकमा छलफल हुने बिषय बस्तुको बारेमा जानकारी दिन्छन् ।
बिषय रहेको हुन्छ माननीय अर्थमन्त्रीबाट आगामी आर्थिक बर्षकालागी बजेट सार्वजानिक गर्ने, गृहमन्त्रिबाट सुरक्षा नीति पेश गर्ने, शिक्षा युवा तथा खेलकुद मन्त्रीबाट शिक्षा युवा तथा खेलकुद नीति पेश गर्ने, यसैगरी उधोग तथा रोजगार मन्त्रि, स्वास्थ्य तथा सामाजिक मन्त्रि, महिला तथा बालबालिका मन्त्रिले नीति तथा कार्यक्रम प्रस्तुत गर्ने । मन्त्रि ज्युहरुले नीति कार्यक्रमहरुको प्रस्तुत पछि सभामुख राईले ‘मन्त्री ज्युहरुबाट प्रस्तुत गरिएको नीति तथा कार्यक्रम उपर प्रश्नोत्तर गर्न माननीय सदस्यहरुलाई समय उपलब्ध गराउ छु’ भनेर ३ मिनेटको समय दिए पछि छलफल हुन्छन् । सत्तापक्षका मन्त्रीज्युहरुले राखेको नीतिहरुमा बिपक्षिदलका नेता तथा सचेतकले कडा रुपमा आलोच्नात्क सुझावहरु राख्छन् । तत्पश्चात प्रधानमन्त्रीको सम्बोधन पछि बैठक सम्पन्न हुन्छ । सहभागीहरुले मेहनतका साथ कृयाकलाप निर्वाह गर्छन् ।
संसद बैठकको नमुना अभ्यास गर्दै कार्यक्रम भएको छ । संसदमा हुने गतिबिधिहरुको जानकारीकालागी बराहक्षेत्र नगरका युवाहरुमा नगर नमुना युवा संसद स्थापना र अभ्यासले राजनितिक चेतना, बजेट, नीति तथा कार्यक्रमहरुको बारेमा जानकारी भएको हो । कार्यक्रमले सरकारले संचलानकालागी ल्याउने कार्यक्रमहरुको बारेमा जानकारी लिएका छन् । नमुना युवा सरकार र संसद बैठक अभ्यासबाट युवाहरुमा राष्ट्रप्रति सदभाव, जागरुकहुदै नेतृत्व बिकासमा सहयोग पुगेको छ । यसबाट उनीहरुमा सामाजिक कार्यमा सहभागीहुने बृद्धि बिकास भएको छ । यति मात्र हैन युवाहरु गतल तलमा फस्न सक्ने अवस्थालाई न्युनिकरण गर्ने सहयोग पुगेको छ ।
संसद बैठक अभ्यासले सामाजिक, आर्थिक तथा निर्माण बिकासमा युवाहरुको सहभागी बढ्ने र प्रभावकारीता रहने कार्यक्रम समापनमा उपस्थित प्रमुख अतिथी प्रदेश सभा सदस्य सर्वध्वज साँवाले बताउनु भयो । कार्यक्रममा उपस्थित बराहक्षेत्र नगरप्रमुख निलम खनालले युवाहरुमा संसद बैठकका गतिबिधिहरु जानकारभई युवाहरु ब्यवहारिकमा सशक्त भएर अगाडि बढ्न उत्प्रेरित भएको धारणा ब्यक्त गर्नु भयो ।
प्लान इन्टरनेशनल नेपालको सहयोग युथ क्रिएशन सुनसरीको आयोजनामा ४ दिवसिय अभ्यासका कार्यक्रम संचालन भएको हो । अभ्यास कार्यक्रममा ४० जना युवाहरुको सहभागीता रहेको थियो । युथ क्रिएशन सुनसरीका अध्यक्ष अमर राईको सभापतित्वमा संसद बैठक अभ्यास कार्यक्रम सम्पन्न भएको हो ।