रा.ख.सम्वाददाता
झुम्का, बैशाख १३ । पूर्वी तराईका थारुहरुले धार्मिक तथा सांस्कृतिक महत्व तथा संरक्षण गर्दै नयाँ पुस्तामा जातिय पहिचानको सन्देश पु¥याउनका लागि श्री जनजागृति युवा क्लव नयाँटोल भादगाउँको १३ औ शिरुवा सांस्कृतिक कार्यक्रम सम्पन्न भएको छ । शिरुवा पर्व थारु समुदायको प्रत्यक्ष जिवन, मरण, जिविकोपार्जन, पहिचान संगको सम्बन्ध रहेको र यस पहिचानलाई युवाहरु निरन्तरता दिनु पर्ने शन्देस दिदै साँस्कृतिक कार्यक्रमको आयोजनागरी सम्पन्न गरेको हो ।
प्रत्येक बर्ष बैशाख ९ गते झुम्का मेलाको दिन स्थानिय बाल कलाकारको कला उजागर लगायत सचेतना मुलक नाटक प्रस्तुती सहित १३ बर्ष देखि कार्यक्रमको आयोजना गर्दै आएको छ । कार्यक्रममा थारु भाषाका गीत संगितमा नृत्य सहित सामाजमा रहेको बिकृतिलाई न्युनिकरण गर्न नाटक प्रस्तुत गरेको छ । नाटकमा युवाहरुको कृयाशिल अभिनय रहेको थियो । झुम्का मेलामा बिशेष ग्रामथानमा सलहेस भागवानलाई पुजागरी मान्दै आएको छ ।
कार्यक्रममा बक्ताहरुले जुर–शीत, शिरुवा, ग्रामथान(डिहवार),को महत्व उठानगरी नयाँ पुस्तामा हस्तान्तरण गर्न जोड दिएका थिए । तराईका थारु समुदायले प्रत्येक वर्षको बैशाख १ गतेलाई शिर मानि वर्ष भरी गर्मीयाममा शिरलाई शितल राख्न तथा सुख, शान्ति, प्रगति र दिर्घायुको कामना गर्दै आफू भन्दा ठूलो मान्छेको पाउ र आफू भन्दा सानाको टाउको शिरमा सितल पानी (जल) छर्केर आशिर्वाद लिने दिने धार्मिक तथा सांस्कृतिक मान्यता रहि आएको बक्ताहरुले उठान गरेको छ ।
‘शिरुवा’ अर्थात पहिलो पर्व, सुरुको पर्व । यो पर्व (पावैन) प्रत्येक थारु समुदायको महत्वपूर्ण चाड हो । नयाँ वर्षको अवसरमा वर्षभरि सुखद, सुन्दर सौहार्दपूर्ण तथा शीतल र शान्त वातावरणमा परिवार र समाज अगाडि बढोस् । आफ्नो–आफ्नो कुल देवता तथा देवी, ग्राम देवता तथा अन्य देवीस्थल लगायत आफूभन्दा सानाको शीरमा उसको उज्वल भविष्यको कामना गर्न जुराएर पानी दिने परम्परा छ, यसैलाई जुरशीतल भनिन्छ । त्यो दिन प्राय धेरैले आफ्नो विशेष दिन सम्झन योग्य, अविशमरणीय बनाउन चाहेका हुन्छन् । त्यही दिनलाई एउटा इतिहास मानेको हुन्छ भन्दै बक्ताहरुले जोड दिएका हुन् ।
क्लवका अध्यक्ष कन्तलाल चौधरीको सभापत्विमा आयोजित कार्यक्रममा टोलका स्थानिय देविलाल चौधरी, धुरण चौधरी, धिरज चौधरी, धनबिर चौधरी, बिशवास चौधरी, थारु महिला उत्थान समाज सुनसरीकी अध्यक्ष सिता थरुनी लगायत अग्रजहरुले धारणा बयक्त गरेका थिए । कार्यक्रममा सहयोग रामधुनी न.पा. १ नं. वडा कार्यालयको बिशेष सहयोग रहेको आयोजक संयोजक बिश्वास चौधरीले बताए । यसैगरी घोंग्ही बिगिया थारु भिलेज, दुर्गेश चौधरी (चाँदवेला), आकार डि फोटो स्टुडियो झुम्का, पबित्रा इट्टा उधोग लगायतले आर्थिक रुपमा सहयोग गरेको आयोजकले जानकारी दिएको हो ।