सुनिल चौधरी
झुम्का, असार २८ । कृषि ज्ञान केन्द्र इनरुवाले आइतवार रामधुनीमा मकै ब्लक क्षेत्रका किसानलाई कृषि औजार उपकरण बितरण गरेको छ । प्रधानमन्त्रि कृषि आधुनिकिकरण परियोजना अन्तर्गत ज्ञान केन्द्रले एक कार्यक्रमको आयोजना गरी छनोट भएका किसान, फार्म र सहकारीलाई ५० प्रतिशत अनुदानमा कृषि औजार उपकरण वितरण गरेको हो ।
कृषिमा आधुनिकिकरण गर्दै उत्पादनमा बृद्धि ल्याउन किसानलाई सहयोगी कृषि उपकरण १२ समुहलाई हस्तान्तरण गरेको कृषि ज्ञान केन्द्रका प्रमुख नुनु लाल उराँवले जानकारी दिनु भयो । रामधुनी नगरपालिकाको नगरप्रमुख जयप्रकाश चौधरीको प्रमुख आतिथ्यतामा मकै उत्पादन प्रवद्र्धनकालागी ट्रयाक्टर जोन डिरे १ थान, मकै छोडयाउन ेमिनि थ्रेसर ८ थान, डिजिटल तौल मेसिन १९ थान, मिनि टिलर १० थान, पावर स्पेयर ३६ थान, अटो पावर टिलर ४ थान, बोरिङ्ग ४ इन्चको ९ थान, रोटरी टिलर १ थान, डिक्स हेरो १थान र बोरिङ्ग २ इन्चको १९ थान कृषि यन्त्र हस्तान्तरण गरेको छ । औजार बितरणले किसानलाई उत्पादन बृद्धि संगै लागत मुल्य कम लाग्ने नगर प्रमुख चौधरीले बताउनु भयो ।
औजार प्राप्त गर्ने कृषि समुह रामधुनी वडा नं. २ का समृद्ध कृषि समुह, अमहा कृषि सहकारी संस्था, वडा नं. ४ का जानकी कृषक समुह, महा शक्ति कृषि सहकारी संस्था, मिलिजुलि कृषक समुह, रामधुनी कृषक समुह, वडा नं. ८ का जनजागरण कृषक समुह, देविथान कृषक समुह, नवजागरण महिला कृषि सहकारी संस्था यसैगरी वडा नं. ९ का सन्दाशी बाबा कृषक समुह र नवोदय कृषक समुहलाई कृषि औजारका साकाग्री उपलब्ध गराएको मकै ब्लक संचालन समन्बय समितिका सांयोजक हरीनारायण चौधरीले बताउनु भयोे ।
उपकरण प्राप्तले वडा नं. ४ का मिलिजुलि कृषक समुहका किसान केदारनाथ दाहाल उत्पादन बृद्धि हुनेमा उत्साहित छन् । ब्यवसायिक तरकारी र मकै खेती गर्दै आएका दाहालले औजारबाट समयमा गोडमेलगरी समयमै बाली लगाउनाले उत्पादनमा बृद्धि भई किसानलाई आय बृद्धिमा सहयोग पुग्ने बताउनु भयो । औजारको अभावले शारिरीक परिश्रम बढी लाग्ने, समयमा बिउ लगाउन नसक्ने समस्या हट्ने कृषक दाहालले बिश्वास ब्यक्त गर्नु भएको हो । बितरण कार्यक्रममा रामधुनी ४ नं. वडाका वडाअध्यक्ष मनेष चौधरी, रामधुनी कृषि शाखाका प्रतिनिधि, वडा सदस्य कमल कार्की लगायत कृषकहरुको उपस्थिती रहेको थियो ।