चन्द्रकला चौधरी
झुम्का, असार २१ । किसानलाई आर्थिक बिकास बृद्धिमा सहयोगकालागी रामधुनी नगरपालिकाले आइतवार बाख्रा पकेट क्षेत्रमा किसानलाई उन्नत जातका बोयर बोका बोयर क्रस पाठी बितरण गरेको छ । नेपाल सरकार कृषि तथा पशुपंक्षि विकास मंत्रालय प्रधानमन्त्रि कृषि आधुनिकीकरण कार्यक्रम अन्तर्गत नगरपालिकाले तिन बोका र पचासवटा बोयर क्रस पाठी तिरण गरेको हो ।
रामधुनी ४ नं.वडालाई बाख्रा पकेट क्षेत्र मानिएको छ । सो क्षेत्रमा रहेको साना व्यवसायिक कृषि फर्म तथा समुहलाई उत्पादन बृद्धि संगै किसानमा आय बृद्धि हुने उधेश्य सहितको घाँसको बिउ समेत बितरण गरेको छ । उन्नत जातको २० के.जी. भन्दा माथीको जातिय गुण भएको बोयर क्रस बोका तथा पाठी प्राप्तले किसान उत्साहित भएको छ । जनजागरण कृषि तथा पशुपालन समुहका कृषक रंजित चौधरीले १ बोयर बोका र बोयर क्रस पाठी २५ वटा प्राप्तगर्दै बाख्रा पालनले ब्यवसाय बढ्ने र यसबाट आर्थिक लाभ लिन सकिने अपेक्षा सहित उन्ले भने नगरपालिकाको सहयोगले उत्साहित छु ।
बाख्रा पालनकालागी ५० प्रतिशत अनुदानमा वडाका रामधुनी बोयर बाख्रा फर्मलाई ५ बोयर क्रसपाठी, रितु बाख्रा पालन फर्मलाई ५, सृजन कृषि फर्मलाई १ बोका र ५ पाठी, आरम्भ कृषि फर्मलाई ५, सप्तकोशी कृषि फर्मलाई १ बोका र ५ बोयर क्रस पाठी बितरण गरिएको छ । बोका तथा पाठीलाई बिमा समेत गरिएको छ । बोयर जातका बाख्रा बितरणले बाख्रा पालक किसानहरुमा उत्पादन बृद्धि तथा आर्थिक क्षमता बृद्धिमा सहयोग पुगी स्वरोजगार लगायत गरिबी निवारणमा सहयोग पुग्ने नगरउपप्रमुख सबिना चौधरीले धारणा ब्यक्त गर्नु भयो । बाख्रा बितरण कार्यक्रममा नगरउपप्रमुखले किसानहरुलाई सचेत समेत गराएको छ । बाख्रलाई खानपान र स्वस्थ्य प्रतिको हेरबिचारमा ध्यान दिनु पर्ने र बिरामी परे वडाकार्यालय, पशु शाखामा खबरगरी स्याहारमा लाग्नु पर्ने सचेत गराउनु भयो ।
बाख्रा बितरण रामधुनी वडा नं. ४ का वडा अध्यक्ष मनेष चौधरीको सभापतित्वमा प्रमुख प्रशासकिय अधिकृत ओकार न्यौपाने, पशु शाखाका दुर्गा प्रसाद पराजुलीले बितरण गर्नु भएको हो । वितरण गरिएका बोकाबाट उत्पादन भएका पाठापाठीको औषत तौल दैनिक १ सय ७० ग्राम बृद्धि हुने र ४– ५ महिनामै बिक्रि योग्य हुने भएकोले बाख्रा पालक किसानले छिटो आर्थिक लाभ लिन सकिने पशु शाखाका दुर्गा प्रसाद पराजुली बताउनु भयो । बोयर बोका र लोकल बाख्राबाट क्रस भएर उत्पादन भएका खसि बोका स्थानीय जातको भन्दा महंगो, पालन गर्न सजिलो र चाँडै बढी तौलका हुने भएकोले बोयर बोकाको माग बढिरहेको छ ।