रा.ख. सम्वाददाता
झुम्का, असार ५ । नेपाली कागे्रशका संस्थापक तथा जननायक विश्वेश्वरप्रसाद कोइरालाको ३९ औँ स्मृति दिवसको अवसरमा बुधवार झुम्का स्थित रक्तदान कार्यक्रम हुने भएको छ । दिवसको अवसरमा प्रत्येक बर्ष रक्तदान कार्यक्रम गर्दै आएको नेपाल तरुणदल रामधुनी नगर समितिले झुम्का स्थित ८ औँ खुल्ला रक्तदान कार्यक्रम गर्न लागेको नेपाली काग्रेश रामधुनी नगर सभापति सुदिप अधिकारीले जानकारी दिए ।
रक्तदान कार्यक्रम बिहान ७ः०० बजे देखी झुम्काको कुबेर सपिङ्ग सेन्टरको अगाडी हुने छ । महामारीको अवस्थामा रगतको अभाव सिर्जनालाई कम गर्न रक्तदान कार्यक्रमको आवश्यक्ता महशुस गरेको तरुणदल रामधुनी नगर समितिले जनाएको छ । रगतकै अभावले मानव जिवन त्याग गर्नु पर्ने अवस्था नआओस, बिपन्न बर्गले पनि रगत सहज रुपले पाउन सकोस भन्दै रगत दानकालागी भोली श्रावण ६ गते बुधवार सहभागीहुन तरुणदल नगर समितिले सम्पुर्णमा अनुरोध गरेको छ ।
