चन्द्रकला चौधरी
झुम्का, फागुन २४ । रामधुनी १ नं. वडा महिला समितिको आयोजनामा माइन्यूट (बैठकको निर्णय) लेखन तथा सशक्तिकरण तालिम सम्पन्न भएको छ । महिला सशक्तिकरणकालागी वडाका महिलाहरुलाई पाँच दिवशीय तालिम दिदै सोमवार सम्पन्न भएको हो
नगर प्रमुख जयप्रकाश चौधरीको प्रमुख आतिथ्यतामा तालिम समापन कार्यक्रममा बक्ताहरुले महिला आत्मनिर्भर, कुशल नेतृत्व र महिला स्वतन्त्रतामा जोड दिनुभयो । वडा महिला समितिको सभापति आशा चौधरीको सभाध्यक्षमा तालिम समापन कार्यक्रममा उपप्रमुख सविना चौधरी, वडाअध्यक्ष महेश चौधरी, इलाका प्रहरी प्रमुख प्रकाश श्रेष्ठले शुभकामना मन्तव्य राखेका थिए ।
संस्थाको बैठक वा संघ संस्थाले आयोजना गरेको कार्यक्रमको निर्णय कसरी लेख्ने भन्ने बारेमा तालिममा बिषेश गरी प्रशिक्षण प्रदान गरिएको तालिमका सहभागि तथा जनजागृति युवाक्लव भादगाउँका सचिव नितु चौधरीले बताउनु भयो । तालिमले बैठकको निर्णय लेख्ने तरिकाका बारेमा धेरै जानकारी पाएको तालिमका अर्का सहभागि थारु महिला उत्थान समाजकी सचिव सनम चौधरीले सुनाउनु भयो ।
तालिममा माइन्यूट (बैठकको निर्णय) लेखन तालिममा सत्यनारायण चौधरीले सहजीकरण गर्नु भएको थियो । तालिममा विभिन्न संघ संसथाका सदस्यसहित ६० जनाको सहभागिता रहेको वडामहिला सभा उपाध्यक्ष सिता थरुनीले बताउनु भयो । तालिममा माइन्यूट लेखन सहित कार्यक्रम योजना माग तथा प्रस्तावना लेखन, संस्थागत निवेदन लेखन सहित तालिम प्रदान गरेको उपाध्यक्ष थरुनीले जानकारी दिनु भयो ।