सुनिल चौधरी
झुम्का, फागुन २५ । रामधुनी वडा नं. ७ कुमरखत टोलकी ४० बर्षिय कमला सिवाकोटी ६ बर्ष देखि सिटिसफारी चलाएर पाँच परिवार पाल्दै आउनुभएको छ । श्रीमान द्धन्द्धपिडितहुदा देखिको आर्थिक थला परेको परिवार अन्तिम बिकल्पको साहारा सिटिसफारी चलाएर जिविको पार्जन गरिरहनुभएकी सिवाकोटी ११२ औ अन्तराष्ट्रिय नारी दिवसको अवसरमा सम्मानितहुदा सिटिसफारी चलाएरै छोराछारीलाई शिक्षित बनाउने प्रेरणा र हौसला प्रदान भएको बताउनु भयो
रामधुनी नगरपालिकाले श्रमीक महिलालाई खोजेर एक दिनको पारिश्रमिक रु एकहजार एक सय सहित सम्मान गर्दा सफारी चलाउने पेशाले दिएको आम्दानी र पाएको सम्मानले आत्मनिर्भर बन्न मनैभित्रबाट प्रेरणा मिलेको रामधुनी वडा नं. ३ की सफारी चालक श्रमिक महिला जानकी चौधरीले बताउनु भयो । रामधुनी नगरपालिकाले ११२ औ अन्तराष्ट्रिय नारी दिवसको अवसरमा मंगलवार विविध कार्यक्रम आयोजनागरी श्रमिक महिलाहरुलाई एक दिनको पारिश्रमिक सहित सम्मान गरेको हो ।
नगरउपप्रमुख सविना चौधरीको संयोजकत्वमा नारी दिवसको अवसरमा आयोजित कार्यक्रमबाट वडा नं. ३ की सर्मिला पराजुली, वडा नं. ९ की कमला चौधरी, वडा नं. ५ की सृजना श्रेष्ठ, वडा नं. ५ की सरिता चांैलागाई, वडा नं. ७ की मन्जु परियार, वडा नं. २ की शोभा भुजेल, वडा नं. ७ की कमला बिष्ट, वडा नं. ७ की सन्तोषी बि.क. र वडा नं. १ की गुलिया देवी सम्मानित हुनुभयो । उद्यमी र श्रमिक महिलालाई कार्यक्रमबाट उपप्रमुख चौधरी, प्रमुख प्रशासकिय अधिकृत कमल बहादुर थापा, शिक्षा अधिकृत राजन गेलाल, योजना प्रमुख हर्षलाल चौधरीले सम्मान गर्नुभयो ।
कार्यक्रम पुर्व महिला अधिकारको नारा सहित झुम्का बजारमा प्रभातफेरीगरी महिला मैत्री म्युजिकल चेयर र हण्डीफोर खेल तथा कार्यक्रमगरी सम्पन्न गरेको महिला बालबालिका शाखाकी मोनाश्री आचार्यले जानकारी दिनु भयो । म्युजिकल चेयरमा प्रथम, दृतिय र तृतिय हुने क्रमश मिना भुजेल,समझना डांगी र सर्मिला पराजुलीलाई पुरस्कृत गरेको छ भने हण्डीफोर खेलकी बिजेता नैहर्नी चौधरीलाई पुरस्कृतगरी सम्मान गरेको हो । कार्यक्रममा नारी दिवसको ऐतिहासिकता र महिला अधिकार, बर्तमान समस्याका बारेमा सुबोध घिमिरेले कार्यपत्र प्रस्तुत गर्नु भएको थियो ।
नगरपालिकाले महिलाहरुको सामाजिक विकासमा प्रत्येक बर्ष सशक्तिकरण गर्दै आएकोले आगामी दिनमा पनि निरन्तरता दिनु पर्ने महिला अधिकार कर्मि तथा थारु महिला उत्थान समाजकी अध्यक्ष सिता थरुनीको सुझाव छ ।