राख संवाददाता
झुम्का, चैत्र १ । बालमैत्रि नगर घोषणा भएर बिशिष्ट पहिचान बनाएको रामधुनी नगरमा बालबालिका असुरक्षित रहेको प्रति नमुना नगर बाल सञ्जाल रामधुनीले गम्भिर ध्यानआकर्षण जनाएको छ । रामधुनी वडा नं. ३ मा बालिका माथी भएको दुई छुटा छुटै अपराधिक घटना बिरुद्ध सोमवार बिज्ञप्ती निकाल्दै स्थानीय सरकार र सुरक्षा कर्मीले सुरक्षाको प्रत्यभुति सिर्जना गर्न बाल सञ्जालले जोडदार रुपले माग गरेको हो ।
छिमेकीबाट ८ बर्षिय बालिका बलात्कार भएको र फागुन २८ गते ११ बर्षिय बालिकाले आत्महत्या गरेको घटना हृदय विदारक र अकल्पनिय रहेकोले अपराधलाई सामान्य रुपमा मात्र नलिई संलग्न अपराधिकलाई कडा भन्दा कडा कानूनी कारवाहीकोे माग गरेको बाल सञ्जाल अध्यक्ष सुगम झाको हस्ताक्षरित बिज्ञप्तीमा उल्लेख रहेको छ ।
बालबालिका माथी डरलाग्दो घटना हुनु अगावै सुरक्षा संयन्त्रको नियन्त्रणमा आउन सक्ने वातावरण सुजना गर्नु पर्ने बाल सञ्जालको प्रमुख माग रहेको छ । घटना भएको सम्बन्धित परिवार, समुदाय र बालबालिकाहरुमा भय र त्रासबाट परेको मानसिक चोट सम्बोधन गर्न मनोसामाजिक परामर्स, सचेतनाका कार्यक्रममा जोड दिनु पर्ने बाल सञ्जालले जोडदार माग गरेको छ ।
यता इलाका प्रहरी पकलीका अनुसार बलात्कारका घटनामा संलग्न ब्यक्तिलाई नियन्त्रणमा लिई कारवाही अगाडी बढाइ सकेको जनाए । आत्महत्या भएको घटनामा रिपोर्ट आउना साथ छानबिनगरी तथ्य पत्ता लाग्न सकने र कारवाही अगाडी बढाउने इलाका प्रहरी पकलीले बताएकोे छ ।