सुनिल चौधरी
झुम्का,बैशाख १६ । आसन्न स्थानीय निर्वाचनका निम्त्ति रामधुनी नगरपालिकाको विभिन्न पदमा उम्मेदवारी दिएका ४ जनाले आफ्नो उम्मेदवारी फिर्ता लिएका छन ।
बैशाख ३० गते हुने स्थानीय निर्वाचनमा रामधुनी नगरमा कुल २३५ जनाले मनोनयन दर्ता गराउँदा शुक्रवार ४ जनाले उमेदवारी फिर्ता लिएका हुन । जसमा मेयर पदका उमेदवार १ जना, वडाअध्यक्ष उमेदवार २ जना र १ जना सदस्यले उमेदवारी फिर्ता लिएको रामधुनी निर्वाचन कार्यालयले जनाएको छ ।
कार्यालयको अनुसार मेयर तर्फ जनता समाजवादी पार्टी नेपालका रामबहादुर खड्काले उमेदवारी फिर्ता लिएको छ । यस्तै वडाअध्यक्ष तर्फ रामधुनी ३ नं. वडाबाट स्वतन्त्र वडाअध्यक्ष उमेदवारी दिएका नारायण श्रेष्ठ र रामधुनी ९ नं. वडाबाट वडाअध्यक्षमा उमेदवारी दिएका पुसलाल चौधरीले उमेदवारी फिर्ता लिएका छन् । वडा नं. ८ का स्वतन्त्र तर्फका वडासदस्य सिताराम मेहताले फिर्ता लिएको रामधुनी निर्वाचन अधिकृत सुवेदीले जानकारी दिएका हुन । उमेदवारी फिर्ता लिए संगै रामधुनी नगरमा २३१ जना उमेदवार चुनावी रणभूमिमा भिड्ने पक्का भएको छ ।
उमेदवार वडाअध्यक्ष तर्फ रामधुनी नगरपालिकाको वडा नं. १ मा विभिन्न पार्टी र स्वतन्त्रबाट ६ जना वडाअध्यक्ष चुनावी रणभूमिमा भिड्ने छन । वडा नं. २ मा ४ जना वडाअध्यक्ष, वडा नं. ३ मा ८ जना वडाअध्यक्ष, वडा नं. ४ मा ७ जना वडाअध्यक्ष, वडा नं. ५ मा ७ जना वडाअध्यक्ष, वडा नं. ६ मा ६ जना वडाअध्यक्ष, वडा नं. ७ मा ४ जना वडाअध्यक्ष, वडा नं. ८ मा ५ जना वडाअध्यक्ष, वडा नं. ९ मा ८ जना वडाअध्यक्षको उमेदवारी संगै चुनावी मैदानमा भिड्ने पक्का भएको छ ।
रामधुनी नगरको चुनावी रणभूमिमा भिड्ने मेयर पदका उमेदवारहरु
१.नेकपा एमालेबाट मेयर पदमा संकरलाल चौधरी
२.नेपाली कांग्रेसको तर्फबाट सुदिप अधिकारी
३.नेकपा माओवादी केन्द्रको तर्फबाट चन्द्रकुमार चौधरी थारु
४.नेकपा एकिकृत समाजवादीको तर्फबाट सिताराम घिमिरे
५.राष्ट्रिय प्रजातन्त्र पार्टीबाट सत्यनारायण चौधरी
६.स्वतन्त्र मेयर पदमा सुर्यप्रसाद दाहाल
७.स्वतन्त्र मेयर पदमा रविन लम्साल
८.स्वतन्त्र मेयरपदमा नोवेल चौधरी
९.स्वतन्त्र मेयर पदमा रेवत राम गुरुङ्ग
१० स्वतन्त्र मेयर पदमा नेत्र देव ढकाल
११. स्वतन्त्र मेयर पदमा माधव कट्टेल,
१२.स्वतन्त्र मेयरपदमा राजन कुमार गौतम
१३. स्वतन्त्र मेयर पदमा गुरुप्रसाद पोख्रेल
१४.स्वतन्त्र मेयर पदमा आशिष पोख्रेल
रामधुनी नगरको चुनावी रणभूमिमा भिड्ने उपमेयर पदका उमेदवारहरु
१.नेपाली कांग्रेसको तर्फबाट उपमेयर पदमा आशा चौधरी
२.नेकपा एमालेबाट उपमेयर पदमा तारा थापा
३.नेकपा एकिकृत समाजवादीको तर्फबाट उपमेयर पदमा सिता चौधरी थरुनी
४.जनता समाजवादी नेपाल पार्टी तर्फबाट लिली कुमारी चौधरी
५.नेकपा माओवादी केन्द्रको तर्फबाट श्याम कुमारी साहु
६.राष्ट्रिय प्रजातन्त्र पार्टीबाट सिता नेपाल पौडेल
७.स्वतन्त्र उपमेयर पदमा पन्नालाल साहु
८.स्वतन्त्र उपमेयर पदमा रेश्मा थापा मगर
रामधुनी नगरको बिभिन्न वडाका वडाअध्यक्ष पदका उमेदवारहरु को–को हुन (नाम सहित) लगतै अर्को समाचारमा प्रकाशन गर्ने छौँ ।
