सुनिल चौधरी
झुम्का, जेष्ठ ७ । वैशाख ३० गते सम्पन्न स्थानीय तहको निर्वाचनबाट नव निर्वाचित रामधुनी नगरपालिकाको प्रमुख, उपप्रमुख तथा अध्यक्ष र सदस्यहरुले शपथग्रहण गरेका छन । रामधुनीका निर्वाचित प्रमुख, उपप्रमुख, वडा अध्यक्ष र वडासदस्यहरुले पद तथा गोपनीयताको शपथ ग्रहण गरेका हुन ।
जिल्लास्थित मुख्य निर्वाचन अधिकृतको कार्यालयमा जिल्ला न्यायाधीश कैलाश सुवेदीले नवनिर्वाचित प्रमुख पदका संकरलाल चौधरी लाई पद तथा गोपनीयताको शपथ ग्रहण गराएका हुन । नगरप्रमुख चौधरीले सपत लिए संगै नगरका उपप्रमुख तारा थापा, ९ जना वडाअध्यक्ष र ३६ वडा सदस्यहरुलाई उहाँले सपत ग्रहण गराउनु भयो । निर्वाचन कार्यालय रामधुनीले जनप्रतिनिधिहरुलाई प्रमाण पत्र हस्तान्तरण पछि रामधुनी नगरको नयाँ भवनमा सुक्रवार कार्यक्रम समारोह आयोजनागरी सपत ग्रहण गराएका हुन ।
सपत ग्रहण वडा नं. १ का वडाअध्यक्ष महेश चौधरी, वडा नं. २ का रामनारायण चौधरी, वडा नं. ३ का बुधनारायण चौधरी, वडा नं. ४ का कमल कार्की, वडा नं. ५ का भोला वास्तोला, वडा नं. ६ का शिव संकर राजधामी, वडा नं. ७ का केशव गौतम, वडा नं. ८ का सुरेन्द्र सिंह खवास र वडा नं. ९ का वडाअध्यक्ष घनश्याम चौधरीले सपत तथा गोपनियताको सपथ ग्रहण गरेका छन ।
स्थानीय तहका नवनिर्वाचित प्रमुख तथा अध्यक्षले पद तथा गोपनीयताको शपथग्रहण गरेसँगै शुक्रबारदेखि नै आफ्नो पालिका तथा वडामा पदभार ग्रहण गरेका छन ।
