सुनिल चौधरी
झुम्का, जेष्ठ ७ । रामधुनी नगरको आर्थिक पाटोमा विकास गर्न थारु गाउँहरुलाई एथेनिक भिलेज एकिकृत पर्यटन गुरुयोजना बनाउने नगरप्रमुख संकरलाल चौधरीको प्रतिबद्धता गर्नु भएको छ । थारु समुदायको फरक तथा मौलिक संस्कार र संस्कृतिलाई संरक्षणको नीति अवलम्बनगरी व्यवसायिक पर्यटन विकासमा जोड दिने बताउनु भएको हो ।
निर्वाचन अधिकृतको कार्यालय रामधुनीले सुक्रवार आयोजना गरेकोे नव निर्वाचित जनप्रतिनिधिहरुलाई प्रमाणपत्र हस्तान्तरण तथा सपथ ग्रहण कार्यक्रममा बोल्दै नगरमा आदिवासी जनजाती थारु समुदायको बाहुल्य रहेकोले थारु समुदायका पौराणि ऐतिहासिक कला, धरोहर, संस्कृतिलाई संरक्षण र व्यवसायिकरणको माध्यमबाट आर्थिक सबल बनाउने आधार प्राथमिक्तामा राखेको बताउनु भयो ।
यसैगरी नगर आर्थिक विकासकालागि कृषि, पशु, पर्यटन, उद्योग, सहकारी, बित्तिय क्षेत्र, स्वरोजगार, गरिवी निवारणकालागि उद्यम विकास, रामधुनी मन्दिरलाई ऐतिहासिक धार्मिक क्षेत्र तथा विभिन्न ताल तलैया र पोखरीको पर्यटन विकासले नगरमा आर्थिक बृद्धिदर बढाउने कार्यक्रमहरु रहेको बताउनु भएको छ ।