राख संवाददाता
झुम्का,भदौ २८ । भारतीय भूत पूर्व सैनिक संस्था रामधुनी नगर समितिको आयोजनामा बिहिवार रामधुनीको झुम्कामा भू.पू.सैनिक (आर्मी) जिवित प्रमाण–पत्र शिविर संचालन गरेको छ । भारतीय आर्मीमा आबद्ध भएर भारत सरकारको सेवा गरेका पेन्शन प्राप्त कर्ताहरुलाई जिवितै छन् भन्ने हस्ताक्षरका लागि शिविर संचालन गरेको हो ।
शिविरमा भारतीय आर्मी तथा भारतीय राजदुतावास पेन्शन वितरण कार्यालय धरानका प्रमुख भरत कनौजियाले जय गोरख (गोर्खा) भन्दै भू.पू.सैनिकहरुलाई सम्मान गरेका्े छ । जय गोरख शब्दले सुुरुवात गरेको मन्तब्य भारत सरकारले दिने भू.पू. सैनिकहरुको पेन्सनमा ४२ प्रतिशन बृद्धि गरेको जानकारी दिए ।
भारत सरकारले भारतमा सेवा गरे वापत तिन पुस्ते पेन्सन दिने गरेको छ । प्रत्यक्ष सेवा गरेकाले लिने ‘सर्भिस पेन्सन’ रहेको बताए । सेवा गरेका ब्यक्ति मृत्युपश्चात दिने उन्को श्रीमतीलाई ‘फेमेली पेन्सन’ दिने गरेको छ भने आमा बुवाको मृत्युपछि छोरा छोरीलाई दिने पेन्सन ‘मदरलेस अडिनरी फमेली पेन्सन’ (एम.ओ.एफ.पी.) पेन्सन रहेको बताए । तिन वटै प्रकारका पेन्सन बार्षिक रुपमा जिविति प्रमाण दिनु पर्ने भारतीय आर्मी तथा भारतीय राजदुतावास पेन्शन वितरण कार्यालय धरानका प्रमुख कनौजियाले जानकारी दिए ।
जिवन (लाइफ) फारम भर्ने तथा हस्ताक्षर गरिसकेपछी उनीहरु पेन्सन पाउने हुन्छ । प्रत्यक्ष जागिर गरेकाले सर्भिस पेन्सनका लागि लाईफ सर्टीफिकेट मात्र दिए प्रमाणित हुन्छ । सेवा गरेका ब्यक्ति मृत्युपश्चात दिने उन्को श्रीमतीलाई फेमिली पेन्सनका लागि लाइफ सर्टीफिकेट र ५० बर्ष मुनिकाले अर्को संग विवाह नगरेको प्रमाण दिनुपर्ने हुन्छ । यसैगरी आमा बुवाको मृत्युपश्चात दिने छोरा छोरीलाई दिने (एम.ओ.एफ.पी.) पेन्सनको हकमा लाइफ सर्टीफिकेट, अविवाहित हुनुुपर्ने, जारि नभएको हुनुुपर्ने र १४ हजार ४०० भन्दा कम आय हुुुनुु पर्ने प्रमाण दिनुपर्ने हुुन्छ ।
शिविरमा आएका हर्क बहादुर राईले इन्डियन आर्मीमा भारत सरकारलाई सेवा गरेको ३० बर्ष बिताएको बताए । राईको अहिले ५७ बर्ष उमेर भएको छ । जिवित प्रमाणका लागि राइले फर्म भर्दै पेन्सनका लागि हस्ताक्षर गरेको बताए ।
भारतीय भूत पूर्व सैनिक संस्था रामधुनी नगर समितिको अध्यक्ष मिठुुराज अधिकारीको सभापतित्वमा भएको थियो । झुम्कामै शिविरले भू.पू. सैनिकहरुलाई फारम भर्न सहज भएको नगर समितिका सचिव नारायण श्रृष्ठले बताए । शिविरमा २ सय जना भन्दा बढीले दर्ता गराएका छन् ।
