राख संवाददाता
झुम्का, भदौ २९ । रामधुनी नगरपालिका दुुई बर्ष अगाडी संघर्ष पूर्ण रुपले बालमैत्री स्थानीय शासन नगर घोषणा भएको थियो । राष्ट्रिय बाल दिवसको अवसरमा २०७८ भदौ २९ गते बालमैत्री नगर सुनसरी जिल्लाको पहिलो, प्रदेशको दोस्रो र नेपालको १० औं बालमैत्री स्थानीय शासन नगरपालिका घोषणा भएको हो ।
बालबालिकाहरुको हकहितका लागि रामधुनी नगर ऐतिहासिक बालमैत्री घोषणाको दोस्रो बर्षको अवसरमा र राष्ट्रिय बाल दिवस २०८० को अवसरमा ‘बालबालिकामा लगानि, सुनिश्चित भबिषयको थालनी’ मुलनारा सहित सुक्रवार नगर स्तरिय गायन प्रतियोगिता सम्पन्न गरेको छ । रामधुनी नगरपालिकाको नगर उपप्रमुख तारा थापाको प्रमुख आतिथ्यतामा रामधुनी नगरपालिका र नमुुना नगर बाल संजालको संयुुक्त आयोजनामा बालबालिकाको प्रतिभा प्रस्फुटन गर्दै नगर स्तरिय गायन प्रतियोगिता सम्पन्न गरेको आयोजक संस्थाले जानकारी दिए ।
गायन प्रतियोगितामा १६ जना बालबालिकाले सहभागी जनाएका थिए । उनीहरु सबै जना विभिन्न राष्ट्रिय भक्तिका गीतहरुमा गायन प्रस्तुती राखेका थिए । गायन प्रस्तुतीमा शब्द, लय र टाइमिङ्गमा अंकभार राख्दै निर्णायक मण्डलको मुल्याकंनले पाँच जना पुरस्कृत भए । प्रतियोगितामा प्रथम युुनिक एकेडेमी स्कुलका छात्र लेजेण्ड नेपाल, दोस्रोमा भासि माबिका प्रेमा सेन्चुरी, तृतिय जनता माबिका सन्झा गिरी, चौथो तेह्र बालबालिका स्मृति स्कुलका रिस्ता बस्नेत र सान्तवना अन्नपूर्ण एकेडेमीका सपना राई पुुरस्कृत भएका छन ।
नमुुना नगर बाल संजालको अध्यक्ष पुजन राउतको अध्यक्षतामा आयोजित प्रतियोगितामा उत्कृष्ट भएका बालबालिकाहरुलाई रामधुनी ६ नं. वडा अध्यक्ष शिवशंकर राजधामीले शिल्ड, मेडल र प्रमाण पत्र वितरण गरेको छ । प्रतियोगिताको निर्णायकमा सत्यनारायण चौधरी, लालबहादुर चौधरी र ज्योती सुनुवार रहेको आयोजक संस्थाले जानकारी दिए । यसैगरी कार्यक्रममा बालबालिकाहरु विभिन्न भाषाभाषिका गीतमा नृत्य प्रस्तुुती राखेका थिए ।
कार्यक्रममा बक्ताहरुले बालबालिकाहरुलाई कला प्रदर्श गर्न अवसर दिनुपर्ने बताएका छन । अवसरले उनीहरुमा हौसला र उत्साह प्रदान हुने भएकोले यस प्रकारका कार्यक्रम गर्नु आवश्यक रहेको बताएका हुन । कार्यक्रममा निवर्तमान नगर प्रमुख जयप्रकाश चौधरी, निवर्तमान उप प्रमुख सविना चौधरी, शिक्षा अधिकृत राजन गेलाल, महिला बालबालिका शाखा प्रमुख मोनाश्री आचार्य लगायतका अतिथीहरुले अभिभावकत्व दिदै बालअधिकारका बारेमा चर्चा गरेका थिए ।
कार्यक्रम नमुना नगर बाल संजालका पदाधिकारीहरुले उद्घोषण मार्फत निर्धक्क कार्यक्रम संचालन गरेका थिए । बाल संजालका सल्लाहकार छविरमण दाहाल, सुनिल बस्नेत, आशिका खड्का र आकृति खड्काले उद्घोषण मार्फत कार्यक्रम पूर्णता दिदै कार्यक्रम सफल समपन्न गरेको नगर बाल सम्पर्क ब्यक्ति अमन ढुंगेलले जानकारी दिए ।
