रामधुनी खबर संवाददाता
झुम्का, असोज २१ । महिलाहरुले सन्तान दिर्घायुुका लागि कठोर व्रतको रुपमा लिने जितिया पर्वको अवसरमा इटहरी उपमहानगर वडा नं. १७ लविपुर स्थित जितिया बिशेष कार्यक्रम २०८० सम्पन्न गरेको छ । थारु महिला सभा तथा थारु कल्याणकारिणी सभा वडा समितिद्धारा आयोजित कार्यक्रममा पर्वको धार्मिक आस्था र परम्परागत थारु संस्कारको प्रदर्शनी गर्दै कार्यक्रम सम्पन्न गरेको हो ।
उपमहानगर प्रमुख संगीता कुमारी चौधरीको प्रमुख आतिथ्यतामा कार्यक्रमबाट थारु समुदायमा परम्परादेखि चलिआएको संस्कार विवाहमा प्रयोग हुने खरखरिया, मरुवा, धानबाट लावा भुट्ने (भुुजिने) चुलो, कसौवा गाग्रीं, धुम्रानाच, दिपावलीमा खेलिने हुुर्रा समेतको परम्परागत संस्कार प्रदर्शनगरी संरक्षण गर्न उद्येश्य दर्शाएको छ ।
जितिया पर्वमा व्रत सम्पन्न गर्न जितमहान भगवानको पूूजापाठ गरिन्छ । पर्वमा जितमहान भगवानको कथा र धार्मिक आस्था रहन्छ भन्ने जितमहान भगवानको मूर्ति राखि पर्वको मौलिकतामा पहिचान गराएको छ । कार्यक्रम थारु हक, अधिकार, पौराणिक मान्यताका पहिचानमा केन्द्रितगरी विभिन्न साँस्कृतिक झाँकीहरु सहभागी भएको थियो ।
कार्यक्रम थारु महिला सभा इटहरी १७ वडा समितिकी अध्यक्ष आर्ती चौधरीको सभापतित्वमा आयोजित कार्यक्रम थारु महिला सभा वडा समिति र थारु कल्याणकारिणी सभा वडा समितिको संयुक्त आयोजनामा गरिएको कार्यक्रम संयोजक छत्रराज चौधरीले जानकारी दिए ।