रामधुनी खबर संवाददाता
झुम्का,असोज २० । थारु पहिचानको साँस्कृतिक कला प्रस्तुत गर्दै झुम्काको जितमहान चौकमा एकिकृत जितिया पावैन कार्यक्रम २०८० सम्पन्न गरेको छ । थारु कल्याणकारिणी सभा नगर समिति रामधुनीको आयोजनामा थारु समुदायमा पौराणिक कालखण्डदेखि रहेको परम्परागत कला प्रस्तुत गरीएको हो ।
रामधुनी नगर प्रमुख शंकरलाल चौधरीको प्रमुख आतिथ्यता रहेको थियो । जितिया पोखरी व्रतालुहरुमा व्रत शुुभसम्पन्न गर्न धार्मिक महत्व मानिन्छ । धार्मिक महत्व रहेको जितिया पोखरीमा प्रमुख अतिथी चौधरीले फुल अक्षताले पूूजापाठगरी कार्यक्रम उद्धघाटन गर्नुभयो ।
कार्यक्रममा सम्बोधन गर्नुहुँदै नगर प्रमुख चौधरीले थारुहरुमा आफनै मौलिक परम्परा, संस्कार, संस्कृतिको धनी रहेको बताउनुभयो । मौलिक परम्परा, संस्कार, संस्कृति थारु समुदायको पहिचान रहेकोले रामधुनी नगरमा ४२ प्रतिशत थारु समुदाय उच्च मनोबलका साथ एकतागरी थारु समुदाय अगाडी बढ्नुपर्ने भन्दै नगरपालिकाबाट हरेक क्षण साथ र सहयोग रहने नगर प्रमुख चौधरीले बताउनुभयो ।
जितिया पर्वको अवसरमा शुुभकामना दिनुुहुुँदै नगर उपप्रमुख तारा थापाले थारु समुदायको पर्व, मौलिक संस्कार निरन्तर संरक्षणमा लाग्नुपर्ने बताउनुुभयो । थारु समुदायको ऐतिहासिक धरोहर ग्रामथान संरक्षण गर्न सुचीकृत नीति लिएको र यसका लागि नगरपालिकाबाट बजेट समेतको सहयोग गर्न प्रतिबद्ध रहेको उपप्रमुख थापाले बताउनु भएको छ ।
थारु कल्याणकारिणी सभा रामधुनी नगर सभापति राजकुमार चौधरीको सभापतित्वमा आयोजित कार्यक्रममा धुम्रानाच, जटजाटिन, झुमैर, बिरहैन, फोकरा मौलिक परम्पराका कलाहरु प्रस्तुत गरिएको छ । यसैगरी जितिया गीतमा बालकलाकारहरुले नृत्य प्रस्तुतगरी पर्वको महत्व उठान गरिएको छ । कार्यक्रममा थारु परिकार तेलपौर रोटी, बगियाको प्रवद्र्धन गरेको छ ।
पूर्व प्रदेश सांसद नवोदिता चौधरीले जितिया पर्वको शुुभकामना दिनुुहुँदै थारु समुदायले अबका दिनहरुमा शिक्षा स्तर बढाउनुु पर्ने उठान गर्नुभयो । कार्यक्रममा आफनो धाराणा राख्नुहुँदै शिक्षा स्तर बढाउन सके आर्थिक स्तर बढ्ने र आर्थिक स्तर बढ्न सके समुदायको स्तर बढ्ने भन्दै शिक्षा केन्द्रित स्तर बढाउन थारु समुदायले ध्यान दिन आवश्यक रहेको सुुझाव दिनुुभयो । पूूर्व प्रदेश सांसद चौधरी महिला नेतृत्व गर्दै राजनीतिक र सामाजिक क्षेत्र तथा महिला अधिकारमा अग्रसर हुनुुहुन्छ ।
बृहत उपस्थिती रहेको कार्यक्रममा रामधुनी वडा नं. १ का वडा अध्यक्ष महेश चौधरी, वडा नं. ९ का वडा अध्यक्ष घनश्याम चौधरी, निवर्तमान उपमेयर सबिना चौधरी, नेपाली काग्रेश रामधुनी नगर समिति अध्यक्ष सुदिप अधिकारी, थारु महिला सभा रामधुनी नगर समिति सभापति लिलि चौधरीले जितिया पर्वको अवसरमा व्रतालुहरुमा शुस्वास्थ्यको कामना गर्दै शुुभकामना ब्यक्त गर्नु भयो ।
कार्यक्रममा कार्यक्रम संयोजक आशा चौधरीले उपस्थित अतिथी लगायत व्रतालुहरुमा स्वागत गर्नुभयो । यसैगरी कार्यक्रम संचालन थारु कल्याणकारिणी सभा नगर सचिव जनक चौधरी, उपसभपति सिता थरुनी, उपसभापति सनम चौधरीले उद्घोषण गरेका थिए ।
कार्यक्रमको मूूल आयोजक थारु कल्याणकारिणी सभा नगर समिति रामधुनी रहेको थियो भने आयोजक थारु महिला सभा रामधुनी नगर समिति, थारु महिला उत्थान समाज, रामधुनी सुनसरी र थारु चलचित्र तथा साँस्कृतिक संघ सुनसरी रहेको मूुल आयोजक संस्थाले जानकारी दिएको छ ।