रामधुनी खबर संवाददाता
झुम्का,असोज २३ । मेलमिलापबाट विवाद समाधानका लागि रामधुनी ९ नं. वडाका टोल विकास संस्थाका प्रतिनिधि र जनप्रतिनिधिहरुमा अभिमुखीकरण गरिएको छ । विवाद सामाधानका वैकल्पिक उपाय विधि बारे मेलमिलाप गर्न सक्ने क्षमता विकासका लागि असोज २२ र २३ गते दुई दिवसीय अभिमुखीकरण गरेको हो ।
रामधुनी वडा नं. ९ वडा कार्यालयको सहयोगमा अभिमुखीकरणबाट मेलमिलाप गर्न तथा समस्या व्यवस्थापन गर्न विभिन्न उपायहरुको बारेमा जानकारी गराएको छ । मेलमिलाप बिषयले वडामा रहेको समस्या तथा विवादलाई स्थानीय स्तरमै छिटो छरितो रुपले न्याय प्राप्त गर्न सक्ने र यसबाट कसैको हार जित नभएर दुवै पक्षको जित हुने भएकोले मेलमिलाप बारे क्षमता विकास गर्न अभिमुखीकरण गरेको वडा अध्यक्ष घनश्याम चौधरीले जानकारी दिनुभयो ।
विवाद तेस्रो ब्यक्तिद्धारा सामाधान गर्नु लाई मेलमिलाप भनिन्छ । मेलमिलापलाई विवाद सामाधानको वैकल्पिक उपाय र उत्कृष्ट उपाय मानिन्छ । छिटो छरितो, निष्पक्ष, पारदर्शी, कम शुल्कमा विवाद सामाधान हुने गरिन्छ । मिलापत्र ब्यक्ति तटस्थ वस्नुपर्छ । दुवै पक्षको हितलाई ध्यानमा राखी सहजीकरणको भूमिका खेल्नुपर्छ ।
मेलमिलापको अभिमुुखीकरणमा रामधुनी ९ नं.वडामा रहेको १६ वटा टोल विकासका प्रतिनिधि र वडाका जनप्रतिनिधिहरु सहभागी छन् । हाम्रो साझा अभियान, सुनसरीको आयोजनामा दुुई दिवसिय अभिमुखीकरणमा मेघराज न्यौपानेले सहजिकरण गरेको छ ।