रामधुनी खबर संवाददाता
झुम्का, असोज २४ । झुम्का बजार व्यवस्थापन र उपभोक्ता हित संरक्षण गर्न बुधवार रामधुनी नगरपालिका र झुम्का उद्योग बाणिज्य संघले संयुक्त अनुगमन गरेको छ । चाडपर्वमा व्यापारी व्यवसायीहरुको सहजताका लागि बजार व्यवस्थापन र दैनिक उपभोग्य बस्तुमा हुनसक्ने असहजता प्रति चासो दिदै बजार अनुगमन गरेको हो ।
बजार अनुगमनले किराणा पसलबाट केही मात्रामा बिक्री गर्न राखिएको अखाद्य वस्तु भेटिको छ । उत्पादन मिति भन्दा म्याद नाघेको सो अखाद्य वस्तुलाई अनुगमन टोलीले नष्टगरी आगामी दिनहरुमा ध्यान दिन सुझाव दिएको छ । अनुुगमनबाट पसलमा मुल्यसुची नराखिएको भेटिएको छ । चाडपर्वमा कृतिम अभाव सिर्जनागरी मुल्य बृद्धी गर्नसक्ने भएकोले पसलमा मुल्यसुची राख्न सचेत गराएको छ ।
सडक अरुद्ध हुने गरी घर निर्माणका सामाग्रीहरु सडकमै राखिएको भेटिएको छ । बजारको हसनपूर जाने बाटोमा बाटो अबरुद्ध हुनेगरी घर निर्माणका सामाग्रीहरु राख्दा हटाउन अनुगमन समितिले निर्दैशन दिएको छ । यसैगरी मुख्य सडक राजमार्ग छेउमा फलफुलका पसल अव्यवस्थित रुपले राख्दा चाडपर्वको भिडभाडले सडक अबरुद्ध भई दुर्घटनाको सम्भावित जोखिम हुन सक्ने भएकोले व्यवस्थित रुपले राख्न निर्दैशन दिएको छ ।
झुम्का बजारका अधिकांश पसलहरु दर्ता गरे पनि नविकरण भने नगरेको पाइएको छ । दुुई बर्ष तथा सो भन्दा बढी समय सम्म नविकरण नगरेको पसलहरुलाई छिटै नविकरण गर्न सुझाव दिएको छ ।
चाडपर्वको आगमन संगै बजारमा दैनिक उपभोग्य वस्तुहरुमा कृतिम अभाव, कालोबजारी, मुल्यबृद्धी, म्यादगुज्रिएको तथा अखाद्य वस्तुको बिक्री बितरण नगर्न नगराउन सम्बन्धित सबै ब्यापारीहरुमा अनुरोध गरिएको छ । सबै पसलहरुमा आफुले बिक्री वितरण गर्ने सामाग्रीहरुको अनिवार्य रुपमा मुल्य सुची उपभोक्ता देखिने स्थानमा राख्नुपर्ने जनाएको छ ।
छाडा चौपाया वस्तुहरु छाडा नछोड्न सुचना गरिएको छ । छाडा चौपायाका कारण कुनै दुर्घटना भएमा चौपाया धनी स्वयम जिम्मेवार हुने र सो क्षति चौपाया धनीबाट व्यहोर्नु पर्ने जानकारी गराइएको छ । सिटि सफारी लगायत अन्य सवारीका साधनहरु झुम्का बजारको मुख्य चौकमै सडक अवरुद्ध हुनेगरी जथाभावी पार्किङ्ग नगरी तोकिएको स्थानमा मात्र पार्किङ्ग गर्न जानकारी गराइएको छ ।
नगरपालिका र बाणिज्य संघको संयुक्त अनुुगमनले गरिएको सचेतना र निर्दैशन अटेर गरेको पाइएमा प्रचलित कानून बमोजिम कारवाही प्रकृया अगाडी बढाईने नगरपालिकाले जनाएको छ ।
अनुगमनमा रामधुनी नगरपालिकाका प्रशासन अधिकृत सुवोध निरौला, कृषि शाखा अधिकृत तुलसी चौधरी,स्वास्थ्य शाखा प्रमुख नगेन्द्र पाैडेल,पशु सेवा शाखा अधिकृत, झुुम्का उद्योग बाणिज्य संघ अध्यक्ष नविन चौधरी, मनिष गेलाल, शुरेस चौधरी, पत्रकार लगायतका सरोकारवाला संघ संगठनको प्रतिनिधिहरुको सहभागीतामा अनुगमन गरिएको हो । अनुगमन तथा बजार व्यवस्थापन समितिको संयोजक रामधुनी १ नं. वडाका वडा सदस्य रामभरोसी साह छन् ।