रामधुनी खबर संवाददाता
झुम्का, असार २१ । नेपाली चलचित्रका अभिनेता तथा चलचित्र विकास बोर्डका अध्यक्ष भुवन केसीले पुरानै ऐन नीतिको कारणले नेपाली चलचित्र संरक्षण र प्रवद्र्धन हुन नसकेको बताउनु भएको छ । २०२६ सालको ऐनले चलचित्र विकासका लागि चलेको नीति हाल सम्म संशोधन हुन नसक्दा नेपाली चलचित्र विकास हुन नसकेको बाताउनु भएको हो ।
आदिवासी जनजाति मातृभाषी चलचित्र प्रवद्र्धन समितिले इटहरीमा आयोजना गरेको आदिवासी जनजाति मातृभाषी चलचित्र निर्माण, प्रवद्र्धन, सहकार्य, बजारीकरण, सम्मान सहितको बिचार गोष्ठी कार्यक्रममा धारणा राख्नु हुँदै उहाँले चलचित्र ऐन संशोधनगरी नयाँ शिराबाट जानुपर्ने बताउनु भयो । नयाँ शिराले नेपाली चलचित्र अन्तराष्ट्रिय सम्म प्रवद्र्धन हुने, सबै जातजातिको चलचित्र मुलधारको बन्ने, सिनेमा हल सम्म पहुँच पुग्ने अभिनेता केसीले जानकारी दिनु भयो ।
‘संचार मन्त्रालयमा चलचित्र विकास सम्बन्धि ऐन संशोधनका लागि पेश गरेका छौँ, तर संचार मन्त्रीमा जुनै नेता आए पनि आश्वासन दिने तर संशोधन नगर्ने व्यवहारले ब्ल्याक एण्ड ह्वाइट जमानाको पुरानै ऐनले नेपाली चलचित्र प्रवद्र्धन हुन सकेन’, यो व्यवहार दुःखको कुरा हो, राज्यको उदासीन र नेताहरुको गैरजिम्मेवार हो’ भन्दै यसका लागि सबै चलचित्रकर्मीहरु एक ठाउँमा उभिन अभिनेता केसीले आग्रह गर्नुभयो ।
अभिनेता केसीले फिल्म क्षेत्रमा ४० बर्ष बिताएको भन्दै, ‘देश विदेशको फिल्ममा अभिनय गरेको छु, निर्दैशन गरेको छु, निर्माण गरेको छु, यसले चलचित्रको सबै पक्षको समस्या बुझेको छु, त्यसैले यो सबको लागि सहज होस भन्ने उधेश्य राखी विकास बोर्डमा आएको हुँ’, तर विकास बोर्डमा जति अधिकार हुनु पर्ने हो त्यो छैन्, गर्न चाहेको अधिकारहरु छैन्’ । ‘ऐन पास भएन भने चलचित्रकर्मीहरु आफनो अधिकारको लागि आवाज उठाउन आवश्यक रहेको छ, विकास बोर्डमा आफु रहेपनि नरहेपनि तपाईको साथमा सधै रहने छु, किनभने १० बर्ष उमेर देखि कलाकारिता गर्दै आएको हुँ, र नमरुन्जेल यै क्षेत्रमा केही गर्ने संकल्प बोकेको छु, तनमनले सधै नेपाली चलचित्रकर्मीहरुको साथमा रहने छु’, भन्दै कार्यक्रममा धारणा ब्यक्त गर्नु भयो ।
कार्यक्रममा आदिवासी जनजाति मातृभाषी चलचित्रहरुको प्रवद्र्धनमा राज्यले विभेद गरेको आदिवासी चलचित्र अभियानकर्मीहरुले उठान गर्नु भयो । आदिवासी चलचित्र नेपाली चलचित्र नमान्ने, मुलधारको चलचित्रमा नराख्ने, सिनेमा हलमा वितरण सम्म नहुने गरेकोले प्रवद्र्धनबाट वञ्चित भैरहेको बताउनु भयो । यसैगरी आदिवासी जनजाति चलचित्र महासंघ कोशी प्रदेश लेखिएकोमा अभियान्ताहरुले बिरोध गरेका छन् । अधिकारका लागि आन्दोलनमै रहेकोले समितिलाई कोशी प्रदेश सच्याउन आग्रह गरेका छन् ।
कार्यक्रममा पूर्वाफित राई, यासिली याङ्गहाङ्ग, आदिवासी जनजाति चलचित्र महासंघ कोशी प्रदेश अध्यक्ष अरुण प्रधान, चिरा हाङ्ग राईले आदिवासीहरुको अवाज भित्तामा ठोकीएर आदिवासीहरु आफैले सुन्नु पर्ने अवस्था राज्यले बनाएको छ, सरकारले सुन्दैनन्, तसर्थ विकास बोर्डको अध्यक्षले आदिवासीहरुको माग अधिकार सरकारलाई सुनाई दिन अनुरोध गर्नु भयो ।
कार्यक्रमबाट चलचित्रमा योगदान गरेका नायक, गीतकार, निर्माता, निर्दैशकलाई सम्मान गरेको आयोजक समितिले जानकारी दिए । सम्मानित हुनेमा लिम्बु भाषिक साहित्य तथा कलाकार यासिली याङ्गहाङ्ग, थारु चलचित्रकर्मी जानकी चौधरी, नायिका मेरुना मगर लगायत ७ जना सम्मानित भएको हो ।
कलाकारहरुलाई प्रोत्साहन गर्नका लागि आयोजक समितिले कदर पत्रले सम्मान गरेको छ । कार्यक्रममा विभिन्न जातजातिहरुले परम्परागत नृत्य प्रस्तुत गरेको छ । थारु समुदायले धुम्रानाच, राजवंशी नाच, तामाङ्ग समुदायले डम्फु नाच, तामाङ्ग सेलो, कलाङ्ग समुहकबाट से से लुङ्ग च्याब्रुङ्ग नाच प्रस्तुत गरेको आयोजक प्रवद्र्धन समितिले जानकारी दिएको हो ।
