रामधुनी खबर संवाददाता
झुम्का, श्रावण १५ । श्री हनुमान आरधना मण्डल नेपाल रामधुनी १ जितमहान चोक महिला शाखा ५४५, पुरुष शाखा ४३२ सत्य संकल्पमा सोमवार बोलबंम अभियान सम्पन्न गरेको छ । रामधुनी नगरको धार्मिक महत्व उठान गर्दै बोलबंमको नारा सहित नगरको विभिन्न मठमा जलअर्पण गरेको आरधना मण्डलका प्रमुख झखन दास थारुले बताए ।
रामधुनी र झुम्कालाई धार्मिक पर्यटक प्रवद्र्धन गर्ने उधेश्यले डाक बंम प्रतियोगिताको आयोजना गरेको छ । रामधुनी मन्दिरको सुरसैर नदीबाट प्रथम जल उठाई डाक बंम मार्फत जलअर्पण गरेको छ । सुनसरी गंगाको प्रथम जल श्री झुम्केश्वरनाथ शिवजी झुम्केश्वर मन्दिर र दोस्रो जल श्री वासुकीनाथ पार्ववती हनुमान मन्दिर रामधुनी १ जितमहान चौकमा अर्पण गरेको हो । जितिया मेला २०६१ सालबाट श्री झुम्केश्वर वासुकीनाथ शिव कमरिया २१ औँ बर्षको डाक बंम प्रतियोगितामा भक्तजनहरु सहभागी हुँदै जल चढाएर पुण्य कर्य गरेको मण्डलका प्रमुख दासले बताए ।
डाक बंम प्रतियोगितामा भक्तजनहरुलाई धार्मिक सम्मान सहित पुरस्कृत गरिएको छ । प्रतियोगितामा प्रथम हुने भादगाउँका राम खेलन मुखिलाई प्रथम पुरस्कार धार्मिक सम्मान सहित रु २००० ले सम्मान गरेको छ । दोस्रो हुने भादगाउँका कृष्णदासलाई दोस्रो पुरस्कार धार्मिक सम्मान सहित रु १५०० ले सम्मान गरेको छ । तेस्रो हुने प्रेम कुमार चौधरी लाई तेस्रो पुरस्कार धार्मिक सम्मान सहित रु १००० ले सम्मान गरेको मण्डल प्रमुख दासले जानकारी दिए । सान्तवना हुने सेजल चौधरी,पूजा चौधरी, आयुसा चौधरी, मन्दिप श्रेष्ठ र गीता चौधरीलाई गम्छा ओढाई हनुमान चालिसाबाट सम्मान गरेको आरधणा मण्डलले जानकारी दिएको छ ।
परस्कृत तथा सम्मानित हुने भक्तजनहरुलाई मण्डलका प्रमुख दास, अभियान्ता सिता थरुनी, थारु महिला सभा रामधुनी सभापति लिलि चौधरी, गयावती चौधरी, मन्जु चौधरीले सम्मान वितरण गरेको हो ।
