रामधुनी खबर संवाददाता
झुम्का, श्रावण ८ । मानव जीवन ईश्वर (प्रकृति)को एक अमूल्य उपहार हो । जीवन शुरू भएको दिनको सम्झना स्वरूप जन्मदिन मनाउने गरिन्छ । परिवारका सदस्य, आत्मीयजनहरूले शुभकामना दिने गर्दछन् । जीवन अझै सार्थक होस् भनी कामना गरिन्छ । यसै कामना सहित रामधुनी वडा नं. ५ की समिक्षा ढुंगानाले सामाजिक उत्थान कार्य गर्दै मंगलवार आफ्नो जन्मदिन मनाएकी छिन् । लायन्स क्लव अफ झुम्काको समन्वयमा ढुंगानाले इटहरी १६ पकली स्थित श्री रामजानकी शान्ति बृद्धाआश्रममा खिर र फलफुल वितरण गर्दै आफ्नो जन्मदिन मनाएकी हुन् ।
क्लवका सभापति पुष्प दाहालको सभापतित्वमा औपाचारिक कार्यक्रम आयोजनागरी वितरण गरेका छन् । क्लवका सचिव समेत रहेका सन्तोष ढुंगानाको छोरी समिक्षा ढुंगानाले क्लयवका पदाधिकारी लगायतकाले बृदाहरुमा खिर र फलफुल वितरण गरेका छन् ।
जन्मदिनमा सामाजिक कार्यगरी मनाउने छोरीको इच्छाले क्लवको समन्वयमा बृद्धाहरुमा सेवाका कार्यगरी जन्मदिन मनाएको बुुबा सन्तोष ढुंगानाले बताए । लान्यस कल्व अफ झुम्काका अध्यक्ष दाहाल लगायतका उपस्थित सदस्यहरुले जन्मदिनको शुभकामना ब्यक्त गरेका छन् ।
सामाजिक र सेवा कार्यगरी जन्मदिन मनाएकोले अर्शिवाद पाउने र जीवनको संघर्षमा शक्ती प्राप्त गर्ने भन्दै क्लवका सभापति दाहलले आर्शिवाद दिए । जहाँ समस्या त्याहा लायन्स क्लव अफ झुम्का उधेश्य लिएर अगाडि बढी रहेको जानकारी दिए । क्लवबाट रक्तदान कार्यक्रमम, खाद्यान्न वितरण लगायतका कार्यक्रम सम्पन्न गरिसकेको छ । अगामी दिनहरुमा बृक्षा रोपन, स्वास्थ्य शिविर, सामाजिक विकृतिका सचेतना कार्यक्रमहरु गर्ने अध्यक्ष दाहालले बताए । कार्यक्रममा क्लवका प्रथम उपाध्यक्ष सिता थरुनी, दृतिय उपाध्यक्ष नवराज खड्का, तृतिय उपाध्यक्ष सुशिल साह, क्लवडाइरेक्टर ओम प्रकाश अधिकारी, सहसचिव बुद्धिबिनोद नेपाल, कार्यक्रम संयोजक आशिष निरौला, सदस्य मन्जु चौधरी, लोकबहादुर बस्नेत, इन्दिरा ढुंगाना, शुष्मा ढुंगानाको उपस्थित रहेको थियो ।
बृद्धाआश्रममा सेवाको कार्य गरेको अवसरमा बृद्धाआश्रम समिति संचालकका सदस्य सन्तोष ओझाले धन्यवाद ब्यक्त गरे ।
