रामधुनी खबर संवाददाता
झुम्का, श्रावण २३ । लायन्स क्लब मानवीय सेवा गर्ने संसारकै सबैभन्दा ठुलो अन्तर्राष्ट्रिय संस्था हो । आफ्नो प्रतिभा अथवा क्षमतालाई प्रयोग गरि राष्ट्रलाई सुरक्षित र स्वतन्त्र राख्न अग्रसर हुनु नै लायन्स हो । “हामी सेवा गर्छौ” भन्ने मुल नारा लिएर विश्वका अधिकांश मुलुकमा लायन्सले काम गर्छन् । यसै मुल नारालाई आत्मसाथ गर्दै लायन्स इन्टरनेशनल डिस्ट्रिक ३२५ सी नेपाल अन्तर्गत चार क्लवको पदस्थापन भएको छ । डिष्ट्रिक्ट गभर्नर विकास अधिकारीको प्रमुख आतिथ्यतामा बर्ष सन् २०२४,२५ का लागि शनिवार पदस्थापन गरेको हो ।
कार्यक्रममा लायन्स क्लव अफ झुम्काका अध्यक्ष पुष्प दाहाल, लायन्स क्लव अफ बराहक्षेत्रका अध्यक्ष कल्याण बिष्ट, लायन्स क्लव अफ सप्तकोशी डाइनामिकका अध्यक्ष सुजित कुमार राय र लियो क्लव बराहक्षेत्रका अध्यक्ष शिवशंकर मण्डल सहितका पदाधिकारीहरुलाई पदस्थापन गरेको छ । डिष्ट्रिक्ट गभर्नर अधिकारीले ग्याबल, लयन्स चेनहार, पिन क्लिपगरी पदस्थापन गरेको छ । निवर्तमान अध्यक्षहरुले पुनरगठित अध्यक्षहरुलाई चेनहार हस्तान्तरणगरी अध्यक्षको आसन गराएका छन् । लायन्स क्लव अफ झुम्काका निवर्तमान अध्यक्ष दुर्गा फुयाल, बराहक्षेत्रका अधिकालाल चौधरी, सप्तकोशी डाइनामिकका दुर्गा नन्द दासले चेनहार हस्तान्तरणगरी अध्यक्षको आसन गराएका हुन् ।
आगामि बर्षका लागि चयन भएका अध्यक्षले सामाजिक कार्यमा अग्रसर भएर काम गर्ने प्रतिबद्धता गरेका छन् । लायन्स कल्व अफ झुम्काका अध्यक्ष दाहालले लायन्स क्लव अफ रामधुनीबाट लायन्सको कार्य सुरुवात गरेको अहिले लायन्स क्लव अफ झुम्कामा अध्यक्ष हुँदा अत्यन्तै खुशि भएको ब्यक्त गर्नुभयो । फरक कार्यगरी समाजको नेतृत्व गर्ने चाहनामा अग्रस भएको भन्दै क्लवलाई समाजमा ब्रान्डिङ्ग छाप लगाउने र पहिचान गराउने प्रतिबद्धता गर्नुभएको छ ।
लायन्सको जिम्मेवारीबाट समाजमा सेवाका कार्यगरी सबैको साथ र समर्थले काम गर्ने लायन्स क्लव अफ बराहक्षेत्रका अध्यक्ष कल्याण बिष्टले प्रतिबद्धता गर्नु भयो ।
लायन्स क्लव अफ सप्तकोशी डाइनामिकका अध्यक्ष सुजित कुमार रायले मानविय सेवाका कार्यमा निरन्तरता दिदै अगाडि बढ्ने प्रतिबद्धता जनाउनु भएको छ ।
कार्यक्रममा बक्ताहरुले समाज तथा समुदायमा परेको समस्या प्रति लायन्स क्लवले महत्वपूर्ण भूमिका खेल्दै आएको जनाएका छन् । समाजमा सेवाका कार्यमा थप भूमिका खेल्दै एक बर्षको कार्यकाल उत्कृष्ट बनाउन सक्रिय भएर लाग्नु पर्ने बक्ताहरुले सुझाव दिएका छन् ।
बक्ता लायन रमेश खत्र्री, उदयनारायण बराल, रेवत बहादुर कार्की, धिरज गुरुङ्ग, लिलाप्रसाद चिमरिया, बाबरजंग थापा, लिला कुमार ढुंगेल, इन्द्र खत्री राजन र देवेन्द्र बिष्टले अध्यक्षहरुले आफ्नो बर्ष उत्कृष्ट बनाउन सुझाव राख्दै कार्यकालको शुभकामना ब्यक्त गरेका छन् । कार्यक्रम बराहक्षेत्रको कालावन्जरमा संयुक्त पदस्थापन सम्पन्न भएको वर्तमान बराहक्षेत्रका सेके्रटरी प्रदिप चौधरीले जानकारी दिनुभयो ।
७ जुन १९१७ का दिन अमेरीकाको शिकागो इलियोनसमा एक सामान्य जीवन वीमा ब्यवसायी स्वर्गिय मालविन जोन्सको पहलमा स्थापित एसोसिएसन अफ लायन्स क्लब्स नै आजको अन्तरराष्ट्रिय लायन्स क्लब्स इन्टरनेशनल हो । उनि १३ जनवरी, १८७९ का दिन अमेरिकाको थोमस आरिजोनामा जन्मेका थिए । दोश्रो विश्वयुद्धले निम्त्याएका प्रभाव र यसबाट पिडीत नागरिकहरुका उद्धारका लागि सामूहिक र निस्वार्थ सेवा प्रदान गर्न स्थापित “हामी सेवा गर्छौ” गर्ने मुल मन्त्रले एक सय ६ बर्ष पार गरिसकेको छ ।
नेपालमा भने लायन्स क्लबको प्रवेश सन १९७१ मा विराटनगरबाट पूर्व प्रधानमन्त्री स्वर्गीय मातृका प्रसाद कोइरालाको अध्यक्षतामा बिराटनगर लायन्स क्लब बाट भएको हो । काठमाण्डौमा १९७२ मा लायन्स क्लब काठमाण्डौको स्थापना बाट शुरु भएको हो ।अहिले नेपालका विभिन्न क्षेत्रमा लायन्स क्लबले सेवा दिँदै आएको छ । नेपालको शिक्षा, स्वास्थ्य लगायतका क्षेत्रको विकासका लागि लायन्स क्लबले महत्वपूर्ण भूमिका निर्वाह गरेको छ ।
