राख संवाददाता
झुम्का, कार्तिक ९ । रामधुनी नगरपालिकाको आर्थिक कारोवार सहज बनाउन सोमवार रामधुनी नगरपालिका र सामुदायिक बिद्यालयका प्रध्यानाध्यापक तथा शिक्षक संगठन बिच छलफल भएको छ । सामुदायिक बिध्यालयका शिक्षक तथा कर्मचारीहरुले चाँड पर्वको समयमा प्रथम चौमासिक तलब पाउन नसकदा यथाशिर्घ निकासाकालागी नगरप्रमुख, उपप्रमुख, बिषयगत समिति संयोजक संग छलफल गरेको हो ।
छलफलको क्रम्मा शिक्षकहरुको मात्र हैन, नगरको विकास योजना समेत सुरु हुन नसकेको भन्दै यस संवेदनशील्ताको अवस्थालाई सहज बनाउन प्रयास गरिरहेको नगरप्रमुख जयप्रकास चौधरीले बताए । आर्थिक कारोवार आजैबाट सुरु गर्ने नगरपालिकाको चाहना रहेता पनि प्राबिधिक कठिनाईले चाहेर पनि गर्न नसकेको बताएका हुन् । नगरप्रमुख चौधरीले भने, ‘आर्थिक हैसियत प्रमुख प्रशासकिय अधिकृतमा रहेकोले सो प्राबिधक कठिनाई भएको र कठिनाईलाई सहज बनाउन नगरपालिकामा नयाँ अधिकृत आउने भएको हुदा दुई दिनमै सबैले निकास पाउने छ,’ भनेर आश्वासन दिएका छन् । नगरप्रमुख चौधरीको भनाई अनुसार नयाँ प्रमुख प्रशासकिय अधिकृत कमल बहादुर थापा आउने निश्चित भएको बताएका हुन् ।
नगरप्रमुख चौधरीबाट दुई दिन पछि सहज बन्ने आश्वासन पाएपछि शिक्षक प्रतिनिधिहरु पर्खिने बताएका छन् । शिक्षक बिमल गुरागाईले छलफलमा आश्वासन पछिको समयमा समेत सहज हुन नसके नगरपालिकाको के प्रतिवद्धता हुन सक्ने भनेर जिज्ञासा राखेका थिए । जिज्ञासा प्रति जवाफ दिदै रामधुनी वडा नं. ५ का वडा अध्यक्ष तथा पुर्वाधार संमयोजक डेगराज फुयालले कार्यपालिकाको बोर्ड बैठकबाट निर्णय पासगरी संघिय मामिलाबाट अधिकार लिएर निमित कर्मचारीबाट भएपनि सहज बनाउने बताए ।
यसैगरी रामधुनी वडा नं. ८ का वडाअध्यक्ष रुद्र बहादुर बस्नेतले नगरपालिकाको समस्या प्रति सामाधानकालागी तिन महिना अगाडी देखि मन्त्रालयमा धाउदा पनि मन्त्रालयबाट निकास नदिएकोले ढिलो भएको बताए । ‘म, आफै मन्त्रालय गएर गुहारेको हु,’ बस्नेतले भने, ‘मन्त्रालयबाट मन्त्रि मण्डल बिस्तार नभएको लगायतका विविध कारण देखाउदा नगरपालिकाको समस्या सामाधान हुन नसकेको हो’ छलफलमा बस्नेतले बताएका हुन् ।