राख संवाददाता
झुम्का, बैशाख २४ । रामधुनी नगरपालिकाका स्वतन्त्र वडाअध्यक्ष पदका उमेदवारले आत्महत्या गरेका छन् । रामधुनी नगरपालिका वडा नं. ८ का डुम्राहा बस्ने स्वतन्त्र वडाअध्यक्षमा उमेदवार दिएका गणेश बहादुर पौडेलले आत्महत्या गरेका हुन् ।
अपहरणको हल्ला पछि दुई दिन अगाडी परिवारको सम्पर्क आएका पौडेल गए राति आफनै घर नजिकै आँपको रुखमा झुण्डिएर आत्महत्या गरेको जिल्ला प्रहरी कार्यालय सुनसरीले जनाको छ । जिल्ला प्रहरी कार्यालय सुनसरीका अनुसार मृतकको साथमा सुसाइड नोट फेला परेको र सो नोटमा कसैलाई दोष तथा आरोप लगाएको अवस्था नरहेको जानकारी दिएका छन् ।
मृतकको पोष्टमार्टमका लागि धरान विपि प्रतिष्ठान लगेपनि पोष्टमार्टम हुन सकेको छैन । छोरा विदेशमा रहेकोले भोली आइतवार मात्रै बिदेशबाट आइपुग्ने भएकोहुदा सोहि दिन पोष्टमार्टमगरी शवदाहहुने जिल्ला प्रहरी कार्यालय सुनसरीले जनाएको छ ।
यसैगरी उमेदवारको निधन पछि निर्वाचनको अवस्था बारेमा निर्वाचन अधिकृत कार्यालय रामधुनीले जानकारी दिदै मृतक स्वतन्त्र उमेदवार रहेकोले निर्वाचन प्रभावित नहुने जनाएको छ । कानूनी प्रकृयाले पनि स्वतन्त्र उमेदवारको निधनले निर्वाचनमा कुनै त्यसतो प्रभावित हुने खालका प्रकृया नदेखिएकोले घोषणा भएको मितिमै निर्वाचन हुने निर्वाचन अधिकृत बिजयराज सेवेदीले जानकारी दिएका हुन् । सुसाइड नोट समेत सार्वजानिक भएको छ, उमेदवारको हकले कसैमाथी दोष आरोप नरहेकोहुदा चुनावमा प्रभाव नपर्ने रामधुनी निर्वाचन अधिकृत सुवेदीले जानकारी दिएका हुन् ।
बुधवार रामधुनी ८ नं. वडा स्थित डुम्राहा पौडेल टोलबाट इनरुवा आउदा परिवार र साथी भाईको सम्पर्कबाट उमेदवार पौडेल हराएपछि अपहरणको हल्ला भएको थियो । बुधवार विहान बेपत्ता भएका उमेदवार पौडेल २४ घण्टा पछि परिवारका समपर्कमा आएका थिए । बिहिवार दिउँसो करिब १ बजे फेला परेका थिए ।
नकाब धारीले इनरुवाबाटै बेहोस हुने खालका औषधि सुघाएर अपहरणगरी भारत पुर्याएको र उमेदवार भएकै कारण राजनीतिक पार्टीले बाध्यात्मक दवाव दिएको परिवाजनको आरोपमा जिल्ला प्रहरी कार्यालय सुनसरीले उमेदवार पौडेल ब्यक्तिगत कामले भारत पुगेको जानकारी दिएका छन् । उमेदवार पौडेलबाट अपहरणका कुनै त्यसतो संकेत नभेटिएकोले अपरहणका आरोप र भारत पुग्ने लगायत आत्महत्या ब्यक्तिगत कारणलेनै गरेको हुन सक्ने जनाएको छ ।
यता मृकतका श्रीमती विमला पौडेलले श्रीमानको हत्या भएको बताएकी छन् । स्वतन्त्र उमेदवार दिए पछि राजनीतिक पार्टीका ब्यक्तीहरुले उमेदवारी फिर्तालिन दवाव दिदै मानसिक तनाव दिएर आत्महत्या गर्न बाध्यत्मक बनाएको उन्को भनाई छ । उमेदवार दिएकै कारण अपहरणगरी छिमेकी मुलुक भारत पुर्याएको मृतकका श्रीमती पौडेलको भनाई छ । श्रीमान्लाई ज्यान मार्ने डर, धम्कि समेत आएको र सो कुराहरुको मोबाइल रेकर्ड समेत रहेकोले त्यस्ता ब्यक्तिलाई खोजीगरी सजाय दिनु पर्ने प्रहरी प्रशासन संग माग गरेकी छन् । पौडेल नेपाली कांग्रेशबाट वडाअध्यक्षको टिकट नपाउँदा स्वतन्त्र उमेदवारी दिएको परिवारजनको भनाई छ । पौडेल स्वतन्त्रबाट कैची छाप चुनाव चिन्ह प्राप्त गरेका छन् ।
