रा.ख.समवाददाता
झुम्का, बैशाख १६ । प्राकृतिक तथा गैर प्राकृतिक विपद्बाट व्यक्तिको जीवन तथा सम्पत्ति, स्वास्थ्य, जीविकोपार्जन, उत्पादनका साधनहरु र सास्कृतिक तथा वातावरणीय सम्पदाको रक्षा गर्न युवाहरुलाई बिपत जोखिम न्युनीकरणको पुर्व तयारी क्षमता अभिबृद्धि तालिम दिएको छ । बिपद सम्बन्धमा पुर्वअनुमान, रोकथाम र असर न्युनीकरण गर्न पहिलेनै तयार भएर बस्नु पर्ने बिधिको बारेमा बैशाख १० गते देखि ३ दिवसिय तालिम आयोजनागरी युवाहरुमा अभ्यास सहितको पुर्व तयारी क्षमता अभिबृद्धि तालिम दिएको हो ।
प्लान इन्टरनेशनल नेपालको सहयोगमा युथ क्रिएशन सुनसरीको आयोजना तथा नेपाल रेडक्रस सोसाइटीको सहजिकरणमा बिपत जोखिम न्युनीकरणको पुर्व तयारीको बिबिध पक्षबारेमा सिकाई उपलब्धि पाएको सहभागी युवाहरुले बताएका छन् । बिपदको आकस्मिक पहिचान, जोखिम ब्यवस्थापन योजना निर्माण, सुचना र सञ्चार सामाग्रीको तयारी, तालिम, समय समयमा जनचेतना गराइरहनु पर्ने भन्दै पुर्व तयारीको अवस्था बारेमा जानकारी पाएको बारहक्षेत्र नगरपालिका वडा नं. ९ बाट तालिममा सहभागी भएका प्रशिक्षार्थि सितारा चन्द्रवंशीले बताए । बिपद परिरहदा र परिसकेपछि यसबाट उत्पन्न परिस्थितीको सामना गर्नकालागी पहिलेनै तयार भएर बस्नुको अवस्थालाई पुर्वतायरी हो भनेर अर्का सहभागी समिर शर्माले बताए । बिपद ब्यवस्थापन गर्ने सहयोगी संस्था स्थानियतह, वडाकार्यालय, प्रहरी कार्यालय तथा प्रहरी प्रशासन,स्वसेवक, नेपाल रेडक्रश सोसाइटी, शस्त्र प्रहरी, एम्बुलेन्स संचालन गर्ने संस्था, दमकल ब्यवस्थापन संस्था, स्वास्थ्य चौकी रहेको सहभागी रिजन बस्नेतले बताए ।
तालिममा बिपद हुने अवस्थामा अतिबृष्टि, अनबृष्टि, खडेरी जस्ता घटनाको कारण बिषम जलवायुजन्य हुने अवस्थाको बारेमा जानकारी दिएको सहजकर्ता रेडक्रशका अशोक वाग्लेले बताए । बाढी, पहिरोको कारण अत्याधिक बर्ष र कमजोर भु–बनोट, भुकम्पको कारण बिशिष्ट भौगर्भिक बनोट, महामारीको कारण सरसफाई र शुद्ध खानेपानिको अभाव, फोहोर मैला बृद्धि र सुरक्षित संस्कृतिको अभावले सिर्जना हुने कारणहरुको बारेमा जानकारी दिदै उनीहरु आफैतयारी हुने र अरुलाई पनि सहयोग गर्ने अभ्यासहरुको बारेमा जानकारी दिएको वाग्लेले जनाए । तालिममले युवा तथा किशोर किशोरीहरु बिपद परेको अवस्थामा प्रभावकारी रुपमा सहयोग गर्न सक्ने भएकोले तालिमको आयोजना गरेको परियोजना संयोजक भिम पोख्रेलले जानकारी दिएको छ । तालिममा रामधुनी, बाराहक्षेत्र, दुहवी, गढी, इनरुवा र धरानका २५ जना युवाहरुको सहभागीता रहेको थियो ।
