सुनिल चौधरी
झुम्का, जेठ १० । रामधुनी नगरमा नयाँ भेरियन्टको कोभिड संक्रमित हुनेको संख्या बढ्दै गएको छ । संक्रमितको संख्या सुक्रवार सम्म ८७ जना रहेकोमा तिन दिन पछि २४ जना थप हुदै सोमवार १ सय ११ जना पुगेको हो ।
रामधुनी नगर क्षेत्र हाल सम्म संक्रमितको अवस्था
नयाँ भेरियन्टको कोभिड संक्रमित रामधुनीमा महिला ३५ जना र पुरुष ७६ जना छन् । सक्रिय संक्रमित भने ७४ जना रहेको छ । संक्रमित भएका हरुको अवस्था गम्भिर प्रकृतिका ५ जना अस्पतालमा भर्ना भएर उपचार गराइरहेको छ । संक्रमित मध्येमा २ जनाको मृत्यु भैसकेको छ । वडा नं. ५ र ३ को १–१ जनाको मृत्यु भएको स्वास्थ्य शाखाका नगेन्द्र पौडेलले जानकारी दिए । नयाँ भेरियन्टको कोभिड भाइरसको असरबाट जितेर ३७ जना आइसकेको छ । संक्रमितहरुको लक्षण ज्वरो आएको, खोकी तथा स्वास लिन सक्ने अवस्थाको कठिनाई हुने देखिएको बताए ।
वडागत रुपमा थप संक्रमितको अवस्था
संक्रमितको संख्या बढ्दै गर्दा रामधुनी ५ नं. वडामा १० जना थप हुदै ४१ जना पुगको छ । सुक्रवार सम्म सो वडामा ३१ जना संक्रमित रहेको थियो । वडा नं. १ मा १ जना थप हुदै जम्मा १९ जना पुगेको छ । वडा नं. २ मा २ जना थप हुदै जम्मा ६ जना संक्रमित भएको छ । वडा नं. ३ मा ५ जना थप संक्रमित देखिदै जम्मा १६ पुगको छ । वडा नं. ४ मा ७ जना, वडा नं. ६ मा २ जनाको थपहुदा ८ जना संक्रमित हुन पुगेको छ । वडा नं. ७ मा २ जना, वडा नं. ८ मा १ जना थप हुदै ३ जनामा नयाँ भेरियन्टको कोभिड देखिएको छ । वडा नं. ९ मा पनि २ जना संक्रमित थप हुदै ६ जना पुगेको छ ।
संक्रमितको संख्या बढिरहदा नगरको स्वास्थ्य क्षेत्रमा चुनौती र ब्यवस्थापन
संक्रमितको संख्या बढिरहदा नगरको स्वास्थ्य क्षेत्रमा चुनौती थपिदै गएको छ । यस अवस्थामा आइसोलेशनकालागी नगरपालिकाले कृषि फर्ममा ४० र वडा नं. ५ कोभिड १९ अस्पतालमा १० शय्याको ब्यवस्थापन गरेको छ । वडा नं. ५ कोभिड अस्पतालमा अक्सिजन सिलिन्डर सहितको शय्या रहेको स्वास्थ्य शाखाले जनाएको छ । अस्पतालमा डक्टर सहित ११ जना कर्मचारीले सेवा दिइरहेको वडा नं. ५ का वडा अध्यक्ष डेगराज फुयालले बताए । समय परिस्थती अनुसार स्थापना गरेको वडा नं. ५ को कोभिड अस्पताल नगरवासीहरुमा बिकल्पमा वा आर्थिक बिपन्नहरुको सेवाकालागी तत्काल उद्धार हुने देखिन्छ । वडा अध्यक्ष फुयालका अनुसार रामधुनी नगरका आर्थिक बिपन्न परिवारका संक्रमितहरु आइसोलेशनकालागी ठुला अस्पताल सम्म जान नसकेका र बेड नपाउदाको अवस्थामा कोभिड १९ अस्पताल बिकल्पको रुपमा रहने बताए ।
संक्रमित रोकथामकालागी पिसिआर तथा ऐन्टिजेन परिक्षणलाई निरन्तरता दिदै आएको छ । रामधुनी स्वास्थ्य शाखाले रामधुनी नगर पालिका भित्र कोभिड सम्बन्धि स्वास्थ्य सल्लाहका लागि पनि ब्यवस्थापन गरेको छ । उपचार र परामर्सकालागी कोभिड अस्पतालका डाक्टर जितेन्द्र ठाकुर मोबाइल नं. ९८२०७०६७७६ मा सम्पर्क गर्न सक्नुहुने छ । लक्षण देखिएमा तत्कालै ९८५२०३५४९५ समपर्कगरी ऐन्टिजेन पिसिआर गर्न सकिने ब्यवस्थापन गरेको छ । आफनो नाम, ठेगाना मोबाइल न.लेखर मेसेज गर्न सकिने छ । बिरामी तथा संक्रमितलाई आवश्यक पर्ने एम्बुलेन्सकालागी ९८५२०४१२०२ मा सम्पर्क गर्नहुन पनि अनुरोध गरिएको छ । यस्का साथै आफ्नो वडाको स्वास्थ्य कर्मिहरु मार्फत थप जानकारी लिन पनि सकिने छ । यसैगरी सवारीको अभाव र आवश्यक्ता महशुस भए नगरपालिकाको सम्पुर्ण सवारी साधनहरु परिचालन गर्ने नगरपालिकाले जनाएको छ ।
नगरपालिकाले थप कार्य अगाडी बढाउनु पर्ने
नगरमा संक्रमितको संख्या बृद्धि हुने अवस्था देखिरहदा कृषि फर्ममा ब्यवस्थापन गरेको ४० शय्याको आइशोलेसन थप ब्यस्थापन गर्नु पर्ने प्रमुख आवश्यक्ता देखिन्छ । अक्सिजन सहितको आइशोलेसन ब्यवस्थापन गर्न सके संक्रमितले तत्कालै सहज रुपमा राहत महसुश गर्ने अवस्था सिर्जना हुन्थ्यो । भिडभाडले संक्रमितहुने चेन प्रकृया तोडिन बजार पसल बन्द गर्नु उचित देखिन्छ । तथापी पनि दैनिक उपभोग्यका खाद्ययान्नहरुमा अनुगमन र उपलब्धतालाई सहज गर्नेमा ध्यान जान आवश्यक छ । हालको अवस्थामा पनि कोभिड सम्बन्धि सचेतनाको अभाव छ । कोभिड सर्ने अवस्था सुरक्षीत हुने सचेतनाको अभावले गाउँ क्षेत्रहरुमा मास्क, सेनिटाइ र दुरी कायम उचित तवरले प्रयोग गरेको देखिदैन र ग्रामिण क्षेत्रका वासीहरुलाई परिक्षण हुन सकेको छैन । मास्क र सेनिटाइजर बितरण गर्नेमा कन्जुस्याई देखिन्छ ।
कोभिडले आर्थिक उपार्जनको पाटो ठप्पहुदा आर्थिक बिपन्न परिवारहरुमा हाथमुख जोड्न समस्या देखिन थालेको छ । यस समस्यालाई सम्बोधन गर्न नगरपालिका तयार हुन सकेको छैन । हुन त केन्द्रिय सरकारलेनै चासो देखाएको अवस्था छैन तथापी पनि स्थानिय सरकार आफनो अधिकार प्रयोग गर्न चाहेको छैन । परिस्थीतले संक्रमित संख्यामा बृद्धि भैरहदा चुनौती थपिएको नगरवासीहरुमा जिवनयापनकालागी जनप्रतिनिधिहरु बेलाको परिस्थीमा जागर लाउने र स्वास्थ्य सुरक्षाकालागी सहजता ल्याउन ध्यान दिने हो की ?