चन्द्रकला चौधरी (रामधुनी खबर साप्ताहिक सम्वाददाता)
झुम्का, जेष्ठ १७ । संचार माध्यममा यौन तथा प्रजन्न स्वास्थ्य सम्बन्धि समाचार, दृश्य, तस्विर बिभेद रहित रुपमा प्रकाशन र प्रसारण गर्न सकिने अवस्थाको बारेमा सोमवार अभिमुखिकरण भएको छ । सुनसरीका मिडियाकर्मीहरुको सहभागितामा सहित प्लान नेपालको सहयोगमा युथक्रिएशन सुनसरीले भर्चुअल मार्फत अभिमुखिकरण गरेको हो ।
अभिमुखिकरणमा लिङ्ग र लैंगिकता, यौनिकता, मानवअधिकार, यौन तथा प्रजन्न स्वास्थ्य र अधिकार, संचार माध्यममा प्रकाशन र प्रसारणहुने लैंगिकतामा अधारित पुरातनवादी र पितृसत्तात्मक पुर्वाग्रह बिषयमा छलफल भएको छ । छलफल मार्फत संचारमाध्यममा बिज्ञापन प्रसारणहुदा महिलालाई अश्लिलता देखाउने प्रयास, लुगाधुने साबुन सर्फमा महिलालाई प्रयोगगरी महिलाले मात्र धुने सोच बनाउने, गर्भ पतनको असुहाउदो रुपले तस्विर ठुलो प्रकाशन गरिदिने जस्ता लैगिक असमान्ता हुने खालका प्रकाशनलाई मर्यादित बनाउन सुझावहरु आएका छन् । लाइक, कमेन्ट र पत्रिका बिकाउने नाममा पिडितलाईनै नाकारात्मक असरपर्ने सामाचार र सामाग्री प्रकाशन बढ्दो रुपमा आएको र यसबारेमा सम्पादकले ध्यान पुर्याउनु पर्ने अवस्थाको बारेमा जानकारी दिएका छन् । यसैगरी पत्रकारहरुले पालना गर्नु पर्ने आचार सहिता, ब्यक्तिगत गोपनियता ऐनको बिषयमा छलफलगरी सुझावहरु लिएका थिए ।
युथ क्रिएशन सुनसरीको संचालक सदस्य राजेश राईको सभापतित्वमा पुष्पा जोशीले सहजिकरण गरेकी छन् । अभिमुखिकरणमा सुनसरीका २५ जना मिडियाकर्मीहरु सहभागी जनाएको युथक्रिएशनका भिम पोख्रेलले जानकारी दिएका हुन् ।