चन्द्रकला चौधरी
झुम्का, असार १ । रामधुनी नगरको बिभिन्न वडामा उद्यम बिकास (मेडपा) कार्यक्रम संचालन भइरहेको छ । स्थानीय स्रोत र सिपको परिचालनगरी स्थानीय स्तरमानै रोजगारी सिर्जनाको माध्यमबाट गरिबि निवारण गर्ने लद्यु उद्यम बिकास रामधुनीको वडा नं. ८, ९, १, २, ३, ४ र ६ मा संचालनमा रहेको रामधुनी नगरपालिकाले जनाएको हो ।
गरिबीका रेखा मुनिरहेका परिवारहरुकालागी स्थानिय स्रोत साधन परिचालनगरी स्थानिय स्तरमानै उद्यम सिलता बिकास मार्फत रोजगारी सिर्जना गर्ने उधेश्यले तालिम दिइरहेको छ । उद्यम बिकासकालागी उद्यमीहरुको माग, बजार समभाब्यता, स्थानीय कच्चा पदार्थ र उद्यम बिकासको समभाब्यता हेरेर सिप बिकास तालिम दिइरहेको छ । रामधुनी ८ नं. वडाका वडा वासीहरुमा दालमोट भुजीया बनाउने, अगरवती बनाउने र कुखुरा पालन सम्बन्धि प्रबिधि तथा सिप तालिम संचालनमा रहेको छ । रामधुनी ९ नं. वडामा क्रिष्टल र ब्याग बनाउने तालिम, वडा नं. १ मा गुडिया बनाउने सिप, वडा नं. २ र ५ मा च्याउ खेती र डल बनाउने यसैगरी वडा नं. ३ मा दालमोट भुजिया र कुखुरा पालन र वडा नं. ६ मा वासको सामाग्री र होटल तथा कुक सम्बन्धीको तालिमहरु भईरहेको योजना शाखा प्रमुख हर्षलाल चौधरीले जानकारी दिनु भयो ।
सोमवार नगर उपप्रमुख सबिना चौधरीको नेतृत्वमा रामधुनी वडा नं. ८ र ९ मा संचालित कार्यक्रम अनुगमन समेत गरेको छ । संचालित उद्यम बिकास कार्यक्रममा एक सय पचास जना सहभागी भइ लाभान्वित भएका छन् । कार्यक्रममा सहभागी बिपन्न परिवारका सदस्यहरु स्वरोजगार हुदै आर्थिक लाभ लिन सकिने छन् । कार्यक्रमबाट आर्जन भएको सिपले सहज जिवन यापनमा सहयोग पुग्ने भएको छ । संयुक्त राष्ट्र संघीय विकास कार्यक्रम (मेडेप) सफलता पश्चात नेपाल सरकारले आर्थिक बर्ष २०६६÷६७ देखिनै मेडेप मोलेललाई आन्तरिकिकरण गरि गरिबि निवारणकालागी लघु उद्यम विकास कार्यक्रम(मेडेपा) को रुपमा कार्यन्व्यन गरिरहेको छ । यसलाई थप प्रभावकारी र दिगो बनाउनकालागी नेपाल सरकारबाट गरिबि निवारणकालागी पाँचबर्षे रणनीतिक योजना, २०७० र मेडपा संचालन निर्दैशिका २०७० स्विकृत भई ७७ वटै जिल्लामा संचालित रहेको छ ।