चन्द्रकला चौधरी
झुम्का, असार १९ । कोभिड–१९ भाइरस संक्रमण रोकथाम तथा नियन्त्रणकालागी बिहिवार रामधुनी नगर अन्र्तगत रहेको कोभिड अस्पताल र चार स्वास्थ्य चौकीलाई दाता संस्थाबाट स्वास्थ्य सामाग्री सहयोग गरेको छ । कोभिड केन्द्रित खटिरहेका स्वास्थ्यकर्मिहरुको सुरक्षाकालागी इटिसी नेपालको सहयोगमा शेभ द अर्थ सुनसरीले १५ प्रकारका स्वस्थ्य सामाग्री नगरप्रमुख र उपप्रमुखलाई हस्तान्तरण गरेको हो ।
स्वास्थ्य साग्रीमा पिपि सेट, सेनिटायजर मेसिन, सर्जिकल मास्क, अस्टलाइजर मेसिन, थर्मोमिटर लगायतका स्वास्थ्य सामाग्री नगरप्रमुख जयप्रकाश चौधरी र नगरउपप्रमुख सबिना चौधरीलाई हस्तान्तरण गरेको शेभ द अर्थका अध्यक्ष पुष्प भट्टराईले जानकारी दिए । कोरोना भाइरस संक्रमण रोकथाम तथा नियन्त्रणकालागी सामाग्री बितरणले स्वास्थ्य कर्मिहरुलाई उपचारमा सहयोग पुग्ने बताएको छ । सो सामाग्री संस्थाले वडा नं. २, ४, ८ र ९ लाई पनि बितरण गरेको छ ।