चन्द्रकला चौधरी
झुम्का, चैत्र १२ । थारु महिला उत्थान समाज रामधुनीले महिला सशक्तिकरण, बैठक निर्णय (माइन्युट) र उद्धघोषण तालिम समपन्न गरेको छ । महिलाहरुमा नेतृत्व र क्षमता अभिबृद्धि गर्दै आर्थिक सबलिकरणकालागि पाँच दिवसीय तालिम समपन्न गरेको हो ।
सुनसरी क्षेत्र नं. २ क, प्रदेश सभासदस्य माननीय नवोदिता चौधरीको संसदीय विकास कोषको सहयोगबाट आयोजित तालिममा उद्धघोषण गर्न सक्ने कला र अवस्था, माइन्युट (बैठक निर्णय), अतिथी निमन्त्रणा र योजना माग निवेदन लेखन बिषयमा प्रमुख सहजकर्ता अमर खड्का र सुनिल चौधरीले तालिम दिएका थिए । तालिमले हिमत प्रदान भएको बताउदै अबका दिनहरुमा नेतृत्वगर्ने पदमा आफुले भुमिका खेल्ने छु र जिवनमा परिवर्तन आएकोे समेत महशुस गरेकी छु भन्दै सहभागी प्रशिक्षर्थी निलम खतिवडाले बताउनु भयो ।
तालिमले महिलाहरुमा बोल्ने क्षमता विकास र संस्था संचालनमा सहयोग पुग्ने भएकोले महिला नेतृत्वमा बृद्धिहुने प्रमुख अतिथी सुनसरी क्षेत्र नं. २ क, प्रदेश सभासदस्य माननीय नवोदिता चौधरीले बताउनु भयो । समाजको केही संस्कारले महिलाहरुमा परनिर्भरता बन्न बाध्य बनाएकोले यसलाई चिरदै आत्मनिर्भर तर्फ अग्रसर हुनु पर्ने सुझाव ब्यक्त गर्नु भयो । महिला जनप्रतिनिधिहरु पनि राज्यबाट उपेक्षित रहेकोले राज्यको नीतिगत तह स्तरबाट महिलाहरुको अधिकार सशक्त हुनु पर्ने सांसद चौधरीले बताउनु भयो । नीति निर्माण गर्ने तहमा महिला अधिकारलाई सुनिश्चित हुनसके महिलाहरु उद्यमी र आत्मनिर्भरतामा सहयोग पुग्ने बिश्वास ब्यक्त गर्नु भयो ।
नगरमा नगरपालिकाको सहयोग तथा सरोकारवाला संघ संस्थाहरुको समन्वयमा संचालित कार्यक्रम तालिमहरुबाट महिला सशक्तिकरण भएको प्रत्यक्ष देख्न सकिने नगरप्रमुख जयप्रकाश चौधरीले बताउनु भयो । घोङही बगिया थारु भिलेजकी संचालिका सिता थरुनी उद्यमी बनेको, उत्थान समाजको अध्यक्ष भएर निर्धक्क बोल्न सक्ने क्षमता रहेको उदाहरण दिदै संस्थाकै उपाध्यक्ष आशा चौधरी सामाजिक र राजनीतिक रुपमा अगाडी बढीरहेको, सचिव सनम चौधरी कार्यक्रम संचालनको क्षमता विकास भएको प्रत्यक्ष उदाहरण रहेकोले नगरमा महिला सशक्तिकरणको सुरुवात भैसकेकोले सशक्तिकरणकालागि भुमिका खेल्ने सरोकारवालाहरुलाई धन्यवाद ब्यक्त गर्नु भयो ।
महिलाहरुमा सिप सम्बन्धि तालिमको आवश्यक्ता रहेको नगर उपप्रमुख सविना चौधरीले आफनो धारणा ब्यक्त गर्नु भयो । महिला सशक्तीकरणकालागि आर्थिक उपार्जन हुने खालका सिप सिकाएर स्वरोजगार बनाउन सके महिला सशक्तिकरणमा थप बल पुग्ने भन्दै उपप्रमुख चौधरीले आफनो धारणा ब्यक्त गुर्नु भएको छ । उहाँले महिलाहरुमा आर्थिक उपार्जन हुने खालका सिप तालिमकालागि संचालित मेडपा कार्यक्रम अन्तर्गत नगरपालिकाले महिलाहरुमा स्वरोजगार बनाउदै गएको समेत बताउनु भयो ।
उत्थान समाजकी अध्यक्ष सिता थरुनीको सभाध्यक्षमा आयोजित तालिम समापन कार्यक्रममा वडा नं. १ वडा अध्यक्ष महेश चौधरी, योजना प्रमुख हर्षलाल चौधरी, थारु महिला सभा रामधुनी नगर सभापति लिलि चौधरी, नगर महिला समितिकी श्याम कुमारी साह लगायतका बक्ताहरुले महिला अधिकार र सशक्तिकरणका बारेमा बोलेका थिए । तालिममा प्रत्येक वडाबाट ५० जना भन्दा बढी सहभागी भएको उत्थान समाजले जानकारी दिए । कार्यक्रममा सहभागी अतिथी तथा प्रशिक्षार्थिहरुलाई संस्थाकी उपाध्यक्ष आशा चौधरीले स्वागत गर्नु भएको थियो भने कार्यक्रम सचिव सनम चौधरीले संचालन गर्नु भएको थियो ।
