सुनिल चौधरी
झुम्का, चैत्र १३ । झुम्का खानेपानी तथा सरसफाई मुल उपभोक्ता समितिले खानेपानी बिस्तारकालागि शनिवार झुम्का सहरी खानेपानीको शिलान्यास गरेको छ । संघीय सरकारको खानेपानी मन्त्री उमाकान्त चौधरीले ९ लाख लिटर क्षमताको ओभरहेड टैंकी शिलान्यास गर्नु भएको हो ।
रामधुनी नगरवासीहरुमा समयमै स्वच्छ खानेपानी उपलब्ध गराउन समयसिमा भित्रै योजना सम्पन्न गर्न निर्दैशन दिनु भयो । खानेपानी मानव स्वथ्यमा प्रत्यक्ष भुमिका खेल्ने भएकोले पुर्ण ब्यवस्थापनमा ब्यस्थित रुपले संचालन हुनु पर्ने बताउनु भयो । ओभरहेड टैंकी निर्माणले रामधुनी नगरवासी २४ संै घण्टा स्वच्छ खानेपानी पाउने बताउनु भयो । सरकारले एक घर एक धारा रहनेगरी योजना ल्याएकोले बढ्दो जनसंख्या मध्यनजर गर्दै सन् २०३० सम्ममा प्रत्येक घरधुरीले शुद्ध, सुरक्षित, स्वच्छ खानेपानी प्राप्तहुने उठान गर्नु भयो ।
यसैगरी सरकारले अनुमोदन गरेको एमसीसी बिशुद्ध नेपाली नागरिककालागि आर्थिक सबलिकरण सहयोग रहेकोले भ्रममा नपर्न सुझाव ब्यक्त गर्नु भयो । अमेरिकाको सहयोगले जलको धनी नेपाल बिधुत उत्पादनगरी समृद्ध बन्ने र सडक बाटोमा स्तरउन्नतीले पर्यटन र कृषिमा सहयोग पुग्ने भएकोले एमसीसी नितान्त बिशुद्ध सहयोग रहेको बताउनु भयो ।
शिलान्यास कार्यक्रममा प्रदेश सभासदस्य नवोदिता चौधरी, खानेपानी मन्त्रालय सचिव सुरेश आचार्य, नगरप्रमुख जयप्रकाश चौधरी लगायतका बक्ताले खानेपानीको महत्व बारेमा बोल्नु भएको थियो । झुम्का खानेपानी तथा सरसफाई मुल उपभोक्ता समितिका अध्यक्ष केशिलाल चौधरीको सभाध्यक्षमा आयोजित शिलान्यास कार्यक्रममा झुम्का सहरी खानेपानी रामधुनी वडा नं. १, २, ३ र ५ मा सेवा क्षेत्र बिस्तार हुने खानेपानी तथा ढल ब्यवस्थापन बिभागका महानिर्दैक सुर्यराज कडेलले जानकारी दिए । लागत अनुमान रु ६१ करोड ७ लाख १२ हजार रहेको छ । नेपाल सरकारको ७० प्रतिशत, नगर विकास कोषको २५ प्रतिशत ऋण सहयोग,नगरपालिका र उपभोक्ताहरुबाट ५ प्रतिशत लागत साझेदारीमा निर्माण हुन लागेको छ । २०७८ पुष १२ गते समझौता भएर दुई बर्षमा सम्पन्न गर्नु पर्ने छ । निर्माणकालागि शर्मा भिमेश्वर जे.भी.ले रु ३६ करोड ५३ लाख ८१ हजारमा ठेक्का पाएको छ ।
सहरी खानेपानीकालागि नयाँ पाइप लाइन बिस्तारगरी सेवा दिने जनाएको छ । ओभरहेड संचालनकालागि डिप टयुवेल ३ वटा, सर्भिस रिजर्भ टैंक १, ओभरहेड टैंक १, प्रशोधन प्रणाली ४ वटा, फायर हाड्रान्त १० वटा, संरचना निर्माण हुने छ भने पहिलो चरणमा ४ हजार ३१ वटा घरधुरीमा कनेक्शन गर्ने समितिले जनाएको छ । शिलान्यास कार्यक्रम सचिव प्रेम कुमार खड्काले संचालन गरेको थियो ।