सुनिल चौधरी
झुम्का,चैत्र २५ । थारु महिला सभा जिल्ला कार्यसमिति सुनसरीले इटहरीको थारु साँस्कृतिक भूमिमा जुरशितल र शिरुवा पर्व २०७९ कार्यक्रम आयोजना गर्ने भएको छ । आदिवासी भूमिपुत्र थारु समुदायले परमपरागत रुपमा मनाउदै आएको जुरशितल र शिरुवा पर्वलाई राज्यको नीतिग तह स्तरबाटै संरक्षण र प्रवद्र्धन हुनुपर्ने शन्देस दिनकालागी सभा सुनसरीले थारु साँस्कृतिक भूमिमा सो कार्यक्रमको आयोजना गर्ने जिल्ला समितिका अध्यक्ष सुशिला लेखीले जानकारी दिनु भयो ।
तेस्रो जिल्ला अधिवेशनबाट सुशिला लेखीको अध्यक्षतामा सर्वसहमत चयन भएका नव कार्य समितिले इटहरीको थारु साँस्कृतिक भूमिमा सामुहिक भेला भएर एक आपसमा पानी छर्किएर जुरशितल र शिरुवा पर्व मनाउने भएको छ । गतबर्षहरुमा पनि जुरशितल र शिरुवा पर्व मनाउदै आएको समितिले यस बर्ष पनि निरन्तरता दिदै नव बर्ष २०७९को स्वागत एवं शुभकामना आदान प्रदान समेतको कार्यक्रम रहने जिल्ला समितिले जनाएको छ ।
कार्यक्रम चैत्र २८ गते सोमवार इटहरी उपमहानगरपालिका वडा नं. ५ पचरुखी ग्रामदेव थान एवं थाकस इटहरी भवन निर्माण स्थलमा हुने समितिले जनाएको छ । जुरशितल विहानै मनाउने भएकोले समितिले जुरशितल र शिरुवा पर्व मनाउने समय सोहिदिन बिहान ९ः०० बजेको समय तय गरेको छ । समय अनुसार उपस्थितीहुन अतिथी तथा सदस्य लगायत शुभेच्छुकहरुमा समितिले अनुरोध गरिएको छ ।
सभा जिल्लाको नेतृत्वमा सर्वसहमतिले जिम्मेवारी पाउनु भएका अध्यक्ष सुशिला लेखी महिला सभालाई क्रियाशिल र बृहत बनाउनकालागि सुनसरीमा महत्वपुर्ण भुमिका खेल्दै आउनुभएको छ । पर्वको महत्व उठानका साथै सुनसरीका थारु महिलाहरुको एकजुट, जागरुक्ता, नेतृत्व विकासकालागी यो कार्यक्रम गर्न लागेको जिल्ला अध्यक्ष लेखीले जानकारी दिनुभयो ।
थारु समुदायले सुख, शान्ति प्रगती तथा लामो आयुको कामना गर्दै ग्रामथान देवता घर, कुल देवतालाई जल अर्पण गरि आफु भन्दा ठुलो मान्छेको खुट्टामा तथा आफु भन्दा सानो मान्छेको शिरमा पानी छर्कीदै जुरशितल भन्दै शिरुवा पर्व मनाउँने गरिन्छ ।