राख संवाददाता
झुम्का, चैत्र २५ । टाइफाइड रोग बिरुद्ध खोप रामधुनी नगरको १ र ५ नं.वडाको बिभिन्न स्थानमा खोप केन्द्रराखी अभियान संचालन हुने जनाएको छ । टाइफाइड रोग बिरुद्ध खोप अभियान बारेमा वडा नं. १ भासि स्वास्थ्य चौकी र वडा नं. ५ को आधारभुत स्वास्थ्य चौकी अन्तर्गत संचालन हुने खोप अभियान बारेमा जानकारी दिएको हो ।
वडा नं. १ मा भासि स्वास्थ्य चौकीबाट ५ स्थानमा खोप केन्द्र निर्धारणगरी १ हजार ८१३ बालबालिकालाई खोप लगाउने लक्ष्य लिएको छ भने वडा नं. ५ मा आधारभुत स्वास्थ्य केन्द्रबाट ९ स्थानमा खोप केन्द्रराखी ४ हजार ४०४ जना बालबालिका खोप लगाउने लक्ष्य लिएको स्वास्थ्य चौकीले जानकारी दिएको हो ।
रामधुनी १ नं. वडामा टाइफाइड रोग बिरूद्व खोप अभियान यहि चैत्र २९ देखि बैसाख १२ गते सम्म १५ महिना देखि १५ बर्ष सम्म्का बालबालीकालाई खोप लगाउन अभियान निम्न मिति र स्थानहरुमा संचालन हुने स्वास्थ्य चौकी इन्चार्ज चकेन्द्र थापाले जानकारी दिए ।
१. माउन्ट समिट बोर्डिङ्ग स्कुल चैत्र–२९ गते
२. ब्रिलेन्ट इङ्गलिस बोर्डिङ्ग स्कुल चैत्र–३० गते
३. रामधुनी इङ्गलिस बोर्डिङ्ग स्कुल बैसाख–४ गते
४. भासि मावि बैसाख–११ गते
५. भासि स्वास्थ्य चौकी झुम्का बैसाख–१२ गते(छुट भएका सम्पुर्ण लक्षित वर्ग)
रामधुनी ५ नं. वडामा टाइफाइड रोग बिरूद्व खोप अभियान निम्न मिति र स्थानहरुमा संचालन हुने आधारभुत स्वास्थ्य केन्द्रकी मालती चौधरीले जानकारी दिइन ।
१. यूनिक सगरमाथा बोर्डिङ्ग स्कुल चैत्र–२८ गते
२. लर्डबुद्ध इन्टरनेशनल स्कुल चैत्र–२८ गते
३. यूनिक एकेडेमी इङ्गलिस बोर्डिङ्ग स्कुल चैत्र–२९ गते
४. नमुना बोर्डिङ्ग स्कुल चैत्र–२९ गते
५. एल.ई.एस. बोर्डिङ्ग स्कुल चैत्र–३० गते
६. नविकरण बोर्डिङ्ग स्कुल चैत्र–३० गते
७. ¥यापिड लर्निङ बोर्डिङ्ग स्कुल बैशाख–६ गते
८. आरम्भ बिद्या मन्दिर स्कुल बैशाख–६ गते
९. कोभिड अस्थाई अस्पताल बैशाख–७ गते(छुट भएका सम्पुर्ण लक्षित वर्ग)
नेपालमा टाइफाइड रोग उच्च रहेकोले खोप अभियान संचालन गर्नु पर्ने आवश्यत्ता अनुसार १५ महिना देखि १५ बर्षसम्मका सबै बालबालिकालाई नछुटाई खोप लगाउने अभियानको लक्ष्य रहेको स्वास्थ्य शाखा रामधुनीका नगेन्द्र पौडेलले बताए ।
