राख संवाददाता
झुम्का, जेष्ठ २३ । नगरको योजना विकासमा जवाफदेहिता र पार्दशिता बनाउन रामधुनी नगरपालिकाले सुझाव संकलन गरेको छ । नागरिक संलग्नता र नागरिक संघ संगठनहरुको समनव्य सहित नगरको योजनाहरुमा जनमुखि, नागरिकको अपेक्षाअनुरुप छिटो छरितो र प्रभावकारी सेवाको माध्यमबाट सुशासन कायम गर्न सरोकारवालाहरु संग अन्तरक्रृयागरी सुझाव लिएको हो ।
रामधुनी नगरपालिकाले समाजिक जवाफदेहिता तथा सुशासनको सुचकहरुमा अभ्यास,प्रयास,प्रवद्र्धन गर्दै आएपनि सार्वजानिक सुनुवाई र सामाजिक परिक्षण प्रभावकारी नरहेको आलोच्नात्मक सुझावहरु दिएका छन् । चौमासिकमा भएको विकास र योजना पार्दशिता सार्वजानिकगरी प्रत्यक्ष गुनासो सुझाव लिने सार्वजानिक सुनुवाई कार्यक्रममा नगरिक संलग्नता न्युन हुने गरेकाले नयाँ विधि अनुसार गर्नु पर्ने सुझाव दिएका छन् । यसमा अनलाइन डिजिटल प्रविधि एप्स, इमेलबाट व्यवस्थापनगरी आएको गुनासाहरुको सम्वोधन तथा निर्णयहरु पनि सार्वजानिक हुनु पर्ने सरोकारवाला संघसंगठनहरुको सुझाव छ ।
यसैगरी आगामी आर्थिक बर्षको बजेट, योजना, नीतिहरु जनअपेक्षा र जनमुखि बनाउन सुझाव दिएका छन् । टोल स्तरीयबाट आएको योजना हटाउने, प्रथमिक्तामा नपर्ने, सामाजिक विकासका कार्यक्रमहरु कम पर्ने भएकोले जनप्रतिनिधिहरुले ध्यान दिन जुरुरी रहेको नागरिक संघ संगठनहरुका प्रतिनिधिहरुले सुझाव दिएका हुन् । सुशासनका सवालहरु आधारशिलताकालागि सुशासन ऐन बनाउन आवश्यक्ता समेत उठान भएको छ । जवाफदेहिता बहुसरोकारवाला मञ्चको आयोजनामा भएको सो अन्तरक्रृयात्मक गोष्ठिमा मञ्चको समिति पुनरगठन भएको छ । नव निर्वार्चित जनप्रतिनिधि आएपछि नगरप्रमुख संकरलाल चौधरीको अध्यक्षतामा सह अध्यक्ष उपप्रमुख तारा थापा लगायतका समिति चयन गर्दै पुनरगठन भएको योजना शाखाका हर्षलाल चौधरीले बताउनु भयो ।
गैर सरकारी संस्था प्याक्ट नेपालले युकेड नेपाल संगको सहयोगमा सास परियोजना अन्तर्गत रामधुनी नगरमा जवाफदेहिता बहुसरोकारवाला मञ्च गठनगरी सुशासन तथा स्वास्थ्य क्षेत्रमा जवाफदेहिताका कार्यहरु गर्दै आएको छ । नगरपालिकाले गुनासो पेटिका, नागरिक बडापत्र, सार्वजानिक सुनुवाई, सामाजिक परिक्षण,बर्हिगमन अभिमत,नागरिक प्रतिवेदन पत्र, सार्वजानिक खर्चको सोधखोजमा सहज पहुच लगायतका सुशासनका औजारहरुमा अभ्यास, प्रयासरत छन् ।