राख संवाददाता
झुम्का, भदौ ९ । नेपाली महिलाहरुको महान् पर्व हरितालिका तीजको अवसरमा बिहिवार रामधुनी नगर महिला समितिको आयोजनामा शुभकामना र दरखाने कार्यक्रम सम्पन्न गरेको छ । वर्तमान र निवर्तमान उपमेयर तारा थापा र सविना चौधरीको उपस्थितीमा पर्वको महत्व झल्काउँदै ‘तीज विशेष कार्यक्रम २०७९’ कार्यक्रम सम्पन्न गरेको हो ।
परापूर्वकालमा हिमालय पुत्री पार्वतीले शिवलाई स्वामी पाउँ भनि निराहार ब्रत बसेको र उनको कामना पूरा भएको विश्वासमा राम्रो पति पाउन र विवाहितहरुले पतिको सुस्वास्थ्य, दीर्घायु र प्रगतिको कामना गर्दै ब्रत बस्ने चलन छ । तीजको दरखाने कार्यक्रममा मीठा मीठा परिकारका साथ दर खाने गरीन्छ ।
कार्यक्रममा अतिथी लगायतका उपस्थित महिलाहरु नाचेर उद्घाटन गरिएको थियो । तीज गीतमा मेयर संकरलाल चौधरी,उपमेयर तारा थापा,निवर्तमान उपमेयर सविना चौधरी,प्रमुख प्रशासकिय अधिकृत कमल थापा,शिक्षा शाखा प्रमुख राजन गेलाल लगायतका सहभागीहरुले नाच्नु भएको थियो । तीजको गीत बज्न बितिकै प्रमुख प्रसाशकिय अधिकृत थापाले पहिलो नृत्यगरी सहभागी सबैलाई नचाएका थिए ।
कार्यक्रममा बक्ताहरुले तीजको अवसरमा शुभकामना ब्यक्त गर्नु भयो । महिलाहरुको महान पर्व तीजको अवसरमा निवर्तमान उपमेयर चौधरीले शुभकामना ब्यक्त गर्दै मनोकांक्षा पुरा होस भन्ने कामना ब्यक्त गर्नु भयो । नगर महिला समिति अध्यक्ष डायन्द्रा ढुंगानाको सभापतित्वमा भएको सो कार्यक्रममा समाजिक परिवेस र मौलीकता र परम्पराको समेत ख्याल गर्दै सभ्यतापुर्बक तीजलाइ मनाउँनुपर्नेमा जोड दिएको थियो । कार्यक्रममा आयोजक समितिकी उपाध्यक्ष सिता थरुनीले शब्द स्वागत गर्नु भएको थियो भने कार्यक्रम कल्पना अधिकारीले सञ्चालन गर्नु भएको थियो ।