राख संवाददाता
झुम्का, कार्तिक १२ । गठबन्धनका उमेदावारहरुलाई जिताउँन सक्ता गठबन्धनले रामधुनी नगरपालिका वडा नं. १ मा चुनावमा प्रचार प्रसारका लागि सशक्त तयारीमा जुटेका छन् । आगामी मंसिर ४ गते हुने प्रतिनिधि र प्रदेश सभाको चुनाव लक्षित वाम–लोकतान्त्रिक गठबन्धनका प्रतिनिधिहरुको संयुक्त छलफलबाट सशक्त रुपले प्रचार प्रसार गर्ने तयारीमा जुटेका हुन् ।
नेपाली काँग्रेस, नेकपा (माओवादी) र नेकपा (एस) को नगर तथा वडाका क्रृयाशिल तथा जागरुक यूवा राजनीतिक कर्मीहरुको छलफलले गाउँ, टोल तथा घर–घरमा गएर चुनावी अभियान संचालन गर्ने भएको छ । अभियानका लागि नेपाली काँग्रेस वडा सभापति रन्जित चौधरीको संयोजक तथा नेकपा (माओवादी) र नेकपा (एस) को सह संयोजक रहनेगरी प्रचार प्रसार वडा मूल समिति निर्माण गर्ने जनाएको छ ।
रामधुनी वडा नं. १ सुनसरी क्षेत्र नं. २ तथा २ (ख) मा पर्छ । क्षेत्र नं. २ मा सक्ता गठबन्धनबाट प्रतिनिधि सभाका लागि नेपालीका काँग्रेसबाट सिताराम मेहता र २ (ख) मा प्रदेश सभा तर्फ राजिव कोइराला उमेदवार हुन् । क्षेत्र नं. २ (क) प्रदेश सभा तर्फ नेकपा (माओवादी)का द्धारीकलाल चौधरी उमेदार हुन् ।
क्षेत्र नं. २ को प्रदेशसभा (ख) मा रामधुनी नगरपालिका वडा नं. १,२,८,९, इनरुवा नगरपालिकाको वडा नं. १,२,५६,९,१०, हरिनगरा नगरगाउँ पालिकाको वडा नं. ३ र देवानगञ्ज गाउपालिका रहेका छन् । जसमा ६१,९१३ मतदाता संख्या रहको छ । पुरुष मतदाताको संख्या ३२,०४० र महिला मतदाता संख्या २९,८७३ रहेका छन् भने २४ मदात स्थलमा ६९ केन्द्र रहेका छन् ।
नेपाली काँग्रेस नगर सचिव महेश चौधरीले हाम्रा उमेदवारहरुलाई जिताउँन प्रचार प्रसार समितिको अहम भूमिका रहने भएकोले समिति निर्माणगरी प्रचार प्रसारमा लाग्नु पर्ने बताए । पहिलो वडागत रुपमा प्रचार प्रसारका लागि मूल समिति गठन हुने र सो समितिलाई सफल सहयोग गर्न विभिन्न उप समितिहरु समेत गठन गर्ने नगर सचिव चौधरीले जनाएको छ ।
छलफलमा नेपाली काँग्रेस जिल्ला सदस्य केशीलाल चौधरी, इश्वर आचार्य, इश्वर घिमिरे, नेकपा (एस) का रोशन खड्का, सिता थरुनी, नेकपा (माओवादी) का विपतलाल चौधरीले प्रचार प्रसार सशक्त गर्न नीतिहरुकोे बारेमा बताउँदै गठबन्धनका सबै कार्यकर्ताहरु सयुक्त रुपले चुनाव अभियानमा लाग्नु पर्ने धारणाहरु ब्यक्त गरेका छन् ।
