राख संवाददाता
झुम्का, कार्तिक १९ । जिल्ला निर्वाचन कार्यालय सुनसरीले राष्ट्रिय समाचार समितिको सहकार्यमा सुनसरीका विभिन्न मिडियाहरुमा आबद्ध पत्रकारहरुसँग अभिमुखिकरण गरेको छ । आसन्न प्रतिनिधि र प्रदेश सभा निर्वाचन निष्पक्ष, भयरहित, स्वतन्त्र रुपले सम्पन्न गर्न शनिवार इनरुवामा पत्रकारहरु सँग छलफल गरेको हो ।
अभिमुखिकरण कार्यक्रममा मुख्य निर्वाचन अधिकृत अर्जुन अधिकारीले पत्रकार र मिडियाहरुबाट निरन्तर खबरदारी र सहयोगले निर्वाचन निष्पक्ष हुने बताउँनु भयो । निर्वाचनमा मिथ्या सूचना, दुष्प्रचार र द्धेषपुर्ण अभिब्यक्तिले प्रभावित बनाउँन सक्ने भएकोले पत्रकार र मिडियाहरुले यसबारेमा खबरदारी सामाचार सम्प्रेशन गर्नु पर्ने आग्रह गर्नुभयो ।
पत्रकारहरुलाई निर्वाचनको रिर्पोटिङ्गमा सहज बनाउँने उहाँले उल्लेख गर्नु भयो । सम्पन्न स्थानीयतहको निर्वाचनमा रिर्पोटिङ्गको क्रममा सुरक्षा कर्मीहरुबाट असहजता भएको पत्रकारहरुको प्रश्नको जवाफ दिदै मुख्य निर्वाचन अधिकृत अधिकारीले मतदान स्थल र मतगणनाको क्रममा रिर्पोटिङ्गका लागि सहज बनाउँने जानकारी दिनु भयो ।
नेपाल पत्रकार महासंघ केन्द्रिय सदस्य अमर खडकाले निर्वाचनमा स्वतन्त्र र निष्पक्ष मिडियाको बारेमा सहजिकरण गर्नु भयो । निर्वाचनका बेला निर्वाचन प्रक्रृया,उम्मेदवारको पृष्ठभूमि, दलहरुको प्रतिवद्धता जस्ता विषयमा मतदातालाई जानकारी दिन स्वतन्त्र र निष्पक्ष मिडियाको भूमिका महत्वपुर्ण हुने उठान गर्नु भयो । निर्वाचनको बिषयसँग जोडिएका समाचरका स्रोतहरु लगायत पत्रपत्रिका र अनलाइनहरुले राजनीतिकदलको पृष्ठपोषण गरेका समाचारहरुको बारेमा जानकारी दिदै यसबारे मिडियाहरु सचेत हुनु पर्ने र आक्षेप लाग्न नदिन सजग हुनुपर्ने सुझाव दिनुभयो ।
निर्वाचनको सन्दर्भमा जिल्ला निर्वाचन कार्यालय सुनसरीले पत्रकारहरुबाट जिल्ला निर्वाचन कार्यालय सुनसरीको आधिकारिक सूचना र समाचार सम्प्रेषणको अपेक्षा गरिएको छ । आचारसंहिताको उल्लघंनमा निगरानि राख्ने, मिथ्या सूचना, दुष्प्रचार र द्धेषपुर्ण अभिब्यक्तिको रोकथाम, निष्पक्ष र तटष्थ रिर्पोटिङ्ग, आयोगका सूचना सम्प्रेषण संयन्त्रहरुको उपयोगगरी निर्वाचनको तथ्यपरक रिर्पोटिङ्गका लागि अपेक्षा गरिएको जनाएको छ । अभिमुखिकरणमा चार निर्वाचन क्षेत्रका निर्वाचन अधिकृत क्षेत्र नं. १ का रुद्र आर्याल, क्षेत्र नं. २ का एकराज अधिकारी, क्षेत्र नं. ३ का उमाकान्त पौडेल, र क्षेत्र नं. ४ का समेत अधिकृत अर्जुन अधिकारीको उपस्थिती रहेको थियो ।
्
