राख संवाददाता
झुम्का,मंसिर ४ । प्रतिनिधि सभा र प्रदेश सभाको निर्वाचन आज (आइतवार) देशैभरी मतदान गर्ने क्रम जारी रहेको छ ।
सुनसरीको रामधुनी नगरपालिका वडा नं. १ मा दिउँसो २ः३० बजे सम्ममा ४१ प्रतिशत लगभग २ हजार १ सय भन्दा बढी मत खसेको क्षेत्र नं. २ का निर्वाच अधिकृत एकराज अधिकारीले बताउँनु भयो । सो वडाको मतदान स्थल भासि माध्यमिक बिध्यालयमा ५ मतदान केन्द्र रहेकोमा मतदान गर्नेको भिडभाड नरहेको बताए । मतदाताहरु सहज रुपले मतदान गरिरहेका छन् । यस मतदान स्थलमा बिहान ७ः३० बजेबाट मतदाताहरु मतदान गर्न सुरु गरेको हो ।
रामधुनी वडा नं. ५ मा दिउँसो २ः३० बजे सम्ममा ४३ प्रतिशत मत खसेको छ । लगभग २ हजार ३ सय भन्दा बढी मत खसेको बताए । सुनसरी मोरंग सिंचाई आयोजनामा भै रहेको मतदान केन्द्रमा पनि भिडभाड नरहेको सहज रुपले मतदाताहरु मतदान गरिरहेको बताए ।
रामधुनी वडा नं. ३ मा ४५ प्रतिशत मत खसेको छ । मत स्थलका मतदान अधिकृत हर्क बहादुर दुलालका अनुसार २ हजार ४ सय सम्म मत खसेको बताए । जनता माबि सिंगियामा भै रहेको मतदान स्थल परिसर भित्र मतदाताहरुको अलि भिडभाड देखिएको छ । मत खसाल्नका लागि लाइनमा बसेका मतदाताहरु भिडभाड भएपनि मतदान गर्न सहज रुपले भैरहेको मतदान अधिकृत दुलालले जानकारी दिए ।
