राख संवाददाता
झुम्का,मंसिर १६ । पशुपालनबाट आर्थिक उपार्जनमा लागेका कृषकहरुलाई उत्पादकत्व बृद्धि गर्न रामधुनी ९ नं. वडा कार्यालयले निःशुल्क पशु स्वास्थ्य शिविर सम्पन्न गरेको छ । नेपाल पाराभेटनरी एण्ड लाइभष्टक एशोसिएशन सुनसरीको प्राविधिक सहयोगमा बिहिवार वडाकार्यालयको परिसरमा निःशुल्क पशु स्वास्थ्य शिविर सम्पन्न गरेको हो ।
पशु स्वास्थ्य उपचारका लागि कृषकहरु शिविरमा उत्साहित रुपमा सहभागीता जनाएका छन् । शिविरबाट बाख्रा, गाई, गोरु, भैसी, कुकुर लगायतका पशुपंछिलाई निःशुल्क उपचार गराइँ कृषकहरुले लाभ लिएका छन् । शिविरमा बोका, बंगुर, कुकुर र बहर बन्ध्याकरण सेवा, पशु बाझोपन तथा अन्य रोगको उपचार सेवा, पशुपपंक्षिको औषधि वितरण सेवा, आधुनिक पशुपालन सम्बन्धि प्राविधिक परामर्शलगायत खोप सेवा उपलब्ध गराएको शिविर संयोजक बिजय चौधरीले जानकारी दिए ।
लाइभष्टक एशोसिएशनका केन्द्रिय अध्यक्ष राप्रसाद मेहताको प्रमुख आतिथ्यतामा शिविर उद्धघाटनगरी सेवा सुरु गरेका थिए । शिविर उद्धघाटनमा आर्थिक र सामाजिक विकासलाई विकासको रुपमा लिनु पर्ने वडा अध्यक्ष घनश्याम चौधरीले बताए । पुर्वाधारलाई मात्र विकासमा हेर्ने सोच परिवर्तनगरी सरोकारवालाहरुले अर्थिक उपार्जनका उन्नती प्रगतीतलाई पनि विकासको रुपमा हेर्नुपर्ने र ध्यान चासो दिनु पर्ने उठान गरे । पुर्वाधार विकास एका तर्फ छदै छ तथापी पनि आर्थिक सबलता र सामाजिक सुधारात्मकतालाई माथी उठाउँन सके नागरिक सक्षम हुने वडाअध्यक्ष चौधरीले धारणा ब्यक्त गरे । ‘सक्षमताले आफु पनि धनी बनौ, अरुलाई पनि धनी बनाउँलाई सहकार्य र समन्वय हुनु गरौँ, वडा अध्यक्ष चौधरीले भने, स्वालम्बन बन्न बजारीकरण हेरी तालिम, शिप र अनुदान दिन आवश्यक रहेको र सोको लागि यस वडाबाट कार्यक्रम र योजना केहि संचारल भए र आगामी दिनमा संचालन हुने छ’ ।
निःशुल्क पशु स्वास्थ्य शिविर लाइभष्टक एशोसिएशनका जिल्ला उपाध्यक्ष गणेश प्रसाद मेहताको सभापतित्वमा भएको थियो । पशु स्वास्थ्य शिविर सम्पन्न गर्न एक दर्जन प्राविधिक र पशु डाक्टरको सहभागीता रहेको थियो । सो वडा कार्यालयले सबै प्रकारका कृषकहरुलाई सहुलियत प्रदान गर्दै आएको छ भने कृषिमा क्रान्तिगरी आत्मनिर्भर वडा बनाउँने वडाअध्यक्ष चौधरीको लक्ष्य रहेको छ ।