राख संवाददाता
झुम्का,पौष १३ । रामधुनी नगरपालिका र १ नं. वडा कार्यालयले भासि स्वास्थ्य चौकीमा निशुल्क आँखा, कानको जाँच तथा उपचार सेवा विस्तार गर्दै सचालन गर्न सफल भएको छ । नेपाल नेत्र ज्योती संघ पूर्वाञ्चल क्षेत्रिय आँखा उपचार कार्यक्रम अन्तर्गत विराटनगर आँखा अस्पताल रानी लहानवालाको प्राविधिक सहयोगमा बुधवार उद्धघाटनगरी संचालनमा ल्याएको हो
नगर प्रमुख शंकरलाल चौधरी र नेत्र ज्योती संघका अध्यक्ष पदमनारायण चौधरीले आँखा तथा कान जाँच सेवा उद्धघाटन गर्नु भयो । आँखा र कानको जाँच तथा उपचार प्रत्येक दिन सेवा प्रवाह हुने जनाएको छ । अपरेशन गर्ने खालका अवस्था भए विराटनगर रानीमा रेफरगरी थप उपचार र सेवा प्रदान गर्ने बताएको छ । यस बाहेक महिनाको चौथो सुक्रवार विपि स्वास्थ्य प्रतिष्ठानको डक्टरहरुबाट जाँच तथा उपचार सेवा समेत संचालनमा ल्याएको छ ।
आँखा जाँचका लागि जर्मनी प्रविधिको प्रविधिबाट जाँच परिक्षण हुने नेपाल नेत्र ज्योती संघका अध्यक्ष पदमनारायण चौधरीले जानकारी दिनु भयो । उहाँले सेवा प्रवाहका लागि सुरुवात ग¥यौं, संचालन ग¥यौं, अबका दिनमा यसलाई व्यस्थापन, निरन्तरता, प्रभावकारिता र प्रवद्र्धन गर्न नगरपालिका र वडा कार्यालयको स्रोतमा रहने बताउँनु भयो ।
आँखा र कानको जाँच तथा उपचार सेवा सञ्चालन गर्न पूर्व मेयर जयप्रकाश चौधरीको पहलमा समझौता भएको थियो । प्रविधि र प्राविधिक व्यवस्थापनले ढिलाई भएपनि नगवासीहरुलाई थप स्वास्थ्य सेवा प्रदान गरेको छ । पूर्व मेयर चौधरी, १ नं. वडा कार्यालय, स्वास्थ्य शाखा रामधुनी लगायतका सरोकारवालाहरुको सहकार्य र समन्वयमा स्वास्थ्य सेवा संचालन साकारहुँदा आर्थिक कमजोर परिवारलाई स्वास्थ्य पहुचमा ल्याउँन प्रयास साकारात्म भएको हो ।
परम्पराले स्वास्थ्य पहुच स्वास्थ्य शिविर सम्म सिमितलाई अन्तयगरी विरामीलाई जाँच र परिक्षण गर्न विराटनगर नै धाउँनु पर्ने अवस्थालाई झुम्कामै स्थयीगरी आर्थिक भारलाई समेत कम गर्न उपलब्धि पाएको वर्तमान मेयर चौधरीले धारणा ब्यक्त गर्नु भयो । यस उपलब्धिलाई सबैले मौकाको फाईदा लिन मेयर चौधरीले अनुरोध गर्नु भयो ।
सेवा क्षेत्रको विस्तार हुँदै पछि अस्पतालकै रुप लिने अवस्थामा आउँन सक्छ, त्यसले गर्दा यसलाई थप ब्यवस्थित गर्न अस्पतालनै बनाउँनु पर्ने हुँदा अहिले देखिनै लाग्नुपर्ने प्रमुख प्रशासकिय अधिकृत कमल बहादुर थापाले सुझाव दिनु भयो । अस्पतालका लागि १ नं. वडा कार्यालयले अग्रिम रुपमै तयारी रहेको वडाअध्यक्ष महेश चौधरीले जानकारी दिनु भयो । उद्धघाटन कार्यक्रमका सभापतित्वको मन्तब्य राख्दै वडा अध्यक्ष चौधरीले अस्पतालका लागि जग्गा समेतको व्यवस्थापन भै सकेकोले अस्पतालकै रुप दिन तयार रहेको प्रतिबद्धता गर्नु भएको हो ।
कार्यक्रममा स्वास्थ्य शाखाका नगेन्द्र पौडेल, नेत्र ज्योती संघका सदस्य सुनिल ठाकुर,झुम्का उद्योग बाणिज्य संघका प्रथम उपाध्यक्ष सुजित रायले मन्तब्य राखेको थिए भने भासि स्वाथ्य चौकी प्रमुख चकेन्द्र थापाले स्वागत मन्तव्य राखेका थिए । कार्यक्रम वडा सचिव सत्यनारायण चौधरीले संचालन गरेको थियो ।