राख संवाददाता
झुम्का,असार ८ । एन आई सी एशिया बैंक झुुुम्का शाखाले दुर्घटनामा परी ज्यान गुमाएका चन्द्रराज दाहालको परिवारलाई दुर्घटना बीमा वापतको रु. १० लाख उपलब्ध गराएको छ । बैंकले सुक्रवार एक कार्यक्रमगरी मृतक दाहालको श्रीमती लक्षीमा (घिमिरे) दाहाल लाई सो रकम हस्तान्तरण गरेको शाखा प्रमुख शन्देस भन्डारीले जानकारी दिनुुभयो ।
बैंकमा सर्वश्रेष्ठ बचत खाता खोलेका रामधुनी न.पा. वडा नं. ३ स्थायी घर भएका मृतक दाहालको खातामा उपलब्ध दुर्घटना बीमा वापतको रकम रामधुनी नगरप्रमुख शंकरलाल चौधरी, उपप्रमुख तारा थापा, झुम्का उद्योग बाणिज्य संघका अध्यक्ष नविन चौधरी र उपक्षेत्रिय प्रमुख दसरथ पराजुलीले संयुक्त रुपले रु. १० लाख रुपैयाँको चेक हस्तान्तरण गरेको हो ।
सर्वश्रेष्ठ बचत खातामा रु २५ सय राखेर खोल्न सकिने जनाएको छ । यस खातामा बैंक मार्फत प्रिमियम तिर्नु नपर्ने निशुल्क बीमा गरिदिने योजना रहेको छ । बचत गरेको ब्याज पनि दिईरहने यस खाता संचालन अनुसार मृतकका परिवारलाई दुर्घटना बीमा वापतको रकम उपलब्ध गराएको हो ।
बिमा सम्बन्धमा बैंकको योजना आम नागरिकहरुका लागि सहयोगीको रुपमा रहेको नगर प्रमुुख चौधरीले बताउँनुभयो । बीमा हस्तान्तरण गर्दै नगरप्रमुख चौधरीले मानवको जिवन अमुल्य भएपनि मृतकको परिवारलाई बिमाले केही राहत पुर्याउने भएकोले बैंकको योजना सराहनीय रहेको धारणा ब्यक्त गर्नुभयो ।
बैंकले सर्वश्रेष्ठ बचत खाता खोल्ने ग्राहक महानुभावहरुलाई औषधि उपचारका लागि रु १ लाख, दर्घटना बिमा वापत रु १० लाख र घातक रोग बीमा वापत रु १० लाख सम्म पाउँने जनाएको छ । एन आई सी एशिया बैंक मुलुकमा सबैभन्दा धेरै बैंकिङ्ग सञ्जालहरू भएको बैंकहरू मध्येको बैंक हो । यस बैंकले मुलुकभर ३५९ शाखा कार्यालयहरू, ४७३ एटिएम, १०६ वटा विस्तारित काउन्टर एवं ८१ वटा शाखा रहित शाखा सञ्जाल विस्तार गरेको छ ।