राख संवाददाता
झुम्का,श्रावण २१ । सेभ द अर्थ सुनसरी तथा इटिसी नेपालको सहयोगमा डुम्राहा स्थित चित्रकला कार्यशाला सम्पन्न गरेको छ । बिद्यार्थी बालबालिकालाई सिर्जनशिल बनाउँन आइतवार तिन दिवशीय चित्रकला कार्यशाला सम्पन्न गरेको हो ।
बालबालिकाको क्षमता विकास तथा उनीहरुको कलालाई प्रवद्र्धन गर्न आयोजित कार्यशालामा तीन दिन चित्र बनाउँन तथा रंग भर्न ज्ञान र शिप सिकाएको छ । कार्यशालाको अध्ययनले बालबालिकाहरु विभिन्न कलात्मक चित्रहरु बनाई प्रदर्शन गरेका छन् ।
कार्यशाला समापन कार्यक्रममा प्रदर्शन गरेको चित्रहरुको मुल्याङ्कनबाट चन्द्रकमल मा.बि.का बिद्यार्थी विनिसा चौधरी प्रथम भइन् । यसैगरी राकेश चौधरी दोस्रो, कृतिका चौधरी तृतिय, आकृति चौधरी, चौथो र रुपेश ऋसिदेव सान्तवना भएको आयोजक संस्था सेभ द अर्थ सुनसरीले जानकारी दिए ।
चित्रकलामा उत्कृष्ट बिद्यार्थीहरुलाई पृरस्कृत गरिएको छ । रामधुनी ८ नं. वडाका वडा अध्यक्ष शुरेस सिंहको प्रमुख आतिथ्यतामा पुुरस्कार बितरण गरेको हो । प्रथम पुरस्कार लिदै विनिसा चौधरीले भनिन्, ‘म खुसी छु, चित्रकला कार्यशालाले थप कला सिकेको र यसले अझै कला र शिक्षा लिनुपर्छ भन्ने प्रोत्साहन पाएको बताइन् ।’
कार्यशालाबाट बालबालिकाले प्राप्त गरेको उपलब्धिले शिक्षा, सिर्जनशिलता, सिप, क्षमता, पौराणिक कलाहरुको खोजमा बल पुुग्ने सेभ द अर्थ सुनसरीका अध्यक्ष पुुष्प भट्टराईले जानकारी दिनुभयो ।
रामधुनी नगरमा संख्यात्मक बाहुल्य रहेको थारु समुदाय चित्रकलामा धनी छन् । चित्रकलाको धनी थारु समुदायमा ति कलाहरु मौलिकता छन् । घर सजाउँने चित्र, विवाहमा प्रयोग हुने चित्र, चाँडपर्वमा सजाउँने चित्रहरु मौलिकता रहेपनि लोप हुँदै गएको अवस्थामा यस कार्यशालाले सो कलाहरु उठान हुने बिश्वास लिएको सेभ द अर्थ सुनसरीका अध्यक्ष भट्टराईले बताउँनुुभयो ।
कार्यशाला समापनमा रामधुनी माबिका प्रद्यानाध्यापक ठमेन्द्र वास्तोला, शनिचरे माबिका शंकर चौधरी, चन्द्रकमल माबिका मायाराम चौधरी यसैगरी होमनाथ गौतम लगायतका प्रद्यानाध्यापकहरुकोे उपस्थिती रहेको थियो ।
कार्यशलामा ३७ जना बिद्यार्थी बालबालिकाहरुको सहभागीता रहेको थियो भने प्रशिक्षकमा यशोदा ठकुरी र आशिष तिम्सिना रहेको आयोजक संस्था सेभ द अर्थले जानकारी दिए । समापन कार्यक्रम संस्थाका गोविन्द चौधरीले संचालन गरेको थियो ।
